Ǵalymdar táýliktiń eń qaýipti mezgiline túngi ýaqytty jatqyzyp otyr.
Sonyń ishinde tań aldyndaǵy ýaqyt, dáliregi, tańǵy bes pen altynyń arasy adam úshin eń qaýipti shaq, dep esepteıdi.
Bul jaıynda islam.kz portaly New York Post aqparat kózine silteme jasaı otyryp málim etedi, dep habarlaıdy Almaty-akshamy.kz.
Bes pen altynyń arasyndaǵy 60 mınýt adam organıziminde aǵzalardyń jumysy nasharlaıdy, bul aralyqta tek densaýlyq qana emes, sonymen qatar, adamnyń kóńili de qulazıtynyn alǵa tartyp otyr. Mıchıgan ýnıversıtetiniń jáne Dartmýt medısınalyq ınstıtýtynyń ǵalymdary tas qarańǵylyq ornaıtyn tań aldyndaǵy 60 mınýtta adamdardyń kóńil kúıi kúrt tómendep ketetetinin anyqtady.
Atalmysh zertteý jetekshisi, Dartmouth Health pısqıatry Bendjamın Shapıro adamnyń qalaı uıqtaǵanyna qaramastan kóńil-kúıdiń de tabıǵı sıklderi bolatynyn atap ótti. Dáliregi, tańerteń adamnyń kóńil kúıi tómen bolǵanymen kún uzarǵan saıyn kóteriletin bolyp shyqty. Ǵalymdar adamnyń kóńil-kúıi belgili bir yrǵaqqa baǵynatynyn atap ótti, ıaǵnı, kóńil-kúı organızmniń ishki bıologıalyq saǵatyna baılanysty yrǵaqqa baǵynady. Bul taraptaǵy zertteýge atsalysqan Massachýset ýnıversıtetine qarasty medısınalyq mekteptiń oqytýshysy Dennı Forger uıqysy shala adamnyń kóńil kúıi tómen bolatynyn, ıaǵnı, uıqynyń adamnyń psıhıkasyna sózsiz áseri bolatynyn alǵa tartyp otyr.