Qazaqstan – bizdiń basty qundylyǵymyz.
Qazaqstan halqy Assembleıasynyń Memleket basshysy Qasym-Jomart Toqaevtyń jańa Joldaýyn júzege asyrýdaǵy basty mindeti men mısıasy belgili boldy, dep habarlaıdy Almaty-akshamy.kz QazAqparatqa silteme jasap.
«Bıylǵy Joldaý Jańa Qazaqstan men Ekinshi respýblıka qurylysynyń praktıkalyq-materıaldyq bazasyn jáne áleýmettik irgetasyn quraıdy. Usynylǵan ekonomıkalyq reformalar paketi damýdyń sıpatyn tereń ózgertedi. Iaǵnı azamattarymyzdyń áleýetin ashýǵa baǵyttaıdy. Áleýmettik blokty damytý jónindegi júıeli sharalar memlekettiń barlyq salasyn – ekonomıkany, áleýmettik salany, saıasatty úılesimdi jáne teńgerimdi damytýdy qamtamasyz etedi. Assambleıa Joldaý mindetteriniń tikeleı qatysýshysy jáne belsendi iske asyrýshy. Qazaqstan halqy Assambleıasynyń Jańa Qazaqstandy qurýda ózindik erekshe mısıasy bar», - dedi QHA tóraǵasynyń orynbasary Taýfık Karımov elordada ótken Qazaqstan halqy Assambleıasynyń keńeıtilgen otyrysynda.
Onyń aıtýynsha, qoǵamdyq kelisim men jalpyulttyq birlik tabysty reformalardyń basty sharty bolyp qala beredi.
«Qazaqstan – bizdiń basty qundylyǵymyz. Saılaý kompanıalary men saıası kúshterdiń básekelestik taıtalasy barysynda Qazaqstan halqy Assambleıasynyń basty mindeti – jalpyulttyq qundylyqtarymyzdy, memlekettik tildi, qoǵamdyq kelisim qaǵıdatyn, etnosaralyq turaqtylyqty qorǵaý jáne nyǵaıtý», - deıdi ol.