Qazaqstan rekordtar kitaby 12-shi ret jaryq kórdi
Osymen 12-shi ret shyqqan Qazaqstan rekordtar kitabyna bul joly sportshylar, medısına ókilderi, ádebıet salasy, fotografıa, rejıssýra jáne qolónershiler endi.
El arasynda «Qazaq Tıtan» atanǵan Almat Jumanov – qara kúsh ıesi. Ol júk tıelgen 109 tonnalyq vagondy 8,5 metrge súıregen. Onyń bul jetistigin Gınnestiń rekordtar kitaby moıyndapty. «Biraq arnaıy setıfıkat áli qolyma tıgen joq», - deıdi Almat.
Almat JUMANOV, rekordshy:
– 300 keli bolatyn túıeni ıyǵyma salyp aldym da, eki jıp, bir jeńil mashına sonyń bárin 13 metrge deıin tartyp súıredim, – dedi sportshy.
Marapattaý saltanatyna qatysqan azamattar rekordshylardyń tizimine beker qosylmaǵandaryn dáleldedi. Olar halyq aldynda sheberlikterin kórsetti. Shara barysynda Aıdyn Nurjuma otandyq rekord jasady. Shyny synyqtaryn jalań aıaq basyp turyp, tisimen jáne tós súıegimen 32 keli kir tasyn kóterdi. Odan keıin bet súıegimen taǵy 10 kelini baǵyndyrdy.
Aıdyn NURJUMA, rekordshy:
– Bala kezden kúrespen aınalysqam, jattyqtyrýshy ákem úıretken. Qazirgi aınalysyp jatqanym temir kóterý, kúshpen baǵyndyrý ádisterimen 2020 jyldan bastap aınalysamyn. Qazaqstannyń rekordtar kitabyna ekinshi ret kirip jatyrmyn. Birinshi kirgen dúnıe - ol 63 keli kólikti tós súıekpen tartý.
Qazaqstan rekordtar kitabyna engen 14 adamǵa arnaıy sertıfıkat tabystaldy.