«Biz Italıany qurdyq, endi ıtalıalyqtardy jasap shyǵaraıyqshy» depti oıshyl Komıllo Kovýr. Rasynda, Táýelsizdiktiń arqasynda qazaq eli jańa belesterdi baǵyndyryp keledi. Myń da bir táýbe!
Dúnıede materıaldyq qundylyqtarmen qatar rýhanıat ta birge jasaıdy. Ekeýi tabanyn teń basqanda, órkenıetke qaraı ilgeri qadam jasalady. Bul kóshtiń tizginin mádenıet bastaıdy. Egemendigimizge 30 jyl toldy! Shúkir! Talaı qıyndyqty eńserip, jaqsylyqtarǵa jettik. Damyǵan 50 memlekettiń qataryna enip, 30-dyq sapyna qaraı bettep baramyz.
Qazaqstannyń búginge deıingi júrgen joly, ǵasyrlar jasaǵan derjavalardyń isine parapar. Mádenıetimiz qarqyndap damyp keledi. Dúnıejúzin Dımash ánimen tánti etse, Imanbek «Gremmı» syılyǵyn aldy. Ekeýi de qarapaıym qazaq jigitteri. Olar 1925 jyly Parıj tórinde án shyrqaǵan Ámire atamyzdyń zańdy jalǵasy deýge ábden laıyqty. Bálkim, mýzykada shekara bolmaıdy degen osy shyǵar. Bokstan Jánibek Álimhanuly AQSH-ta «Qazaq boks stıli» atty tıtýldyń negizin qalaýda. Al jaqynda ǵana erler arasynda shahmattan «Grosmeıster» ataǵyn ıelengen Jansaıa Ábdimálikpen qalaı maqtanbaısyz! Prezıdenttiń «100 jańa esim» baıqaýynda top jarǵan, TESLO kompanıasynyń negizin salýshy Ilon Masktyń tobyna shaqyrtý alǵan ónertapqysh Sanjar Taıjan maqtaýǵa turarlyq azamat. Álem kóginde juldyzdaı jarqyraǵan jastarymyzdyń tizimin osylaısha jalǵastyra berýge bolady.
Burynǵylar «Óner kózi – halyqta» dep tekke aıtpaǵan. Oǵan osy mysaldar arqyly kýá bolýdamyz.
Táýelsizdiktiń ulandarynyń bir sypyrasyn ǵana baıandadyq. Egemen bolyp, etek-jeńimizdi jınadyq. Álem tanıtyn aıbyndy, qýatty, beıbitshilik nuryn shashqan jumaq mekenge aınalýdamyz. Alar asqaq asýlarymyz áli de alda!