Almaty ákimdigi taý bókterindegi qurylysty baqylaýdy kúsheıtý boıynsha keshendi jumys júrgizip keledi – Erbolat Dosaev
Almaty ákimi Erbolat Dosaev qaıtys bolǵan otbasynyń týystaryna kóńil aıtyp, jaqyndaryna qandaı qoldaý kórsetiletini týraly aıtty.
«Ákimdik jerleýdi uıymdastyrý men eske alý is-sharalaryn ótkizý boıynsha barlyq qajetti kómek kórsetedi. Bul otbasynyń shetelde oqıtyn úlken uly Dmıtrıı Shınniń oqýyna qarjylaı qoldaý kórsetiledi, sonymen qatar, ata-anasynyń qarjylyq mindettemesin sheshýge járdemdesedi», - dedi Erbolat Dosaev Medeý aýdanynyń turǵyndarymen kezdesý barysynda.
Qala basshysy ákimdik Almaty taý bókterindegi qurylysty baqylaýdy kúsheıtý boıynsha keshendi jumys júrgizip jatqanyn jáne «Taý Samaly» shaǵyn aýdanyndaǵy qaıǵyly oqıǵa tıisti sharalardy kúsheıtý qajettigin dáleldegenin erekshe atady. Máselen, 2022 jylǵy maýsymda máslıhat 15 gradýstan asatyn taýly betkeılerde qurylysqa tyıym salýdy usyndy jáne qoldady.
«Osy norma qabyldanǵan sátten bastap taýly jerlerde zańsyz qurylystyń anyqtalǵan 54 faktiden sottarǵa 45 talap-aryz berildi, onyń 31-i qalanyń paıdasyna sheshildi, 4-eýi qarastyrylýda. Qalǵan 9-y boıynsha eskertýler joıyldy nemese qurylys-montaj jumystary toqtatyldy jáne sotqa talap-aryzdar daıyndalýda», - dedi Erbolat Dosaev.
Bul baǵyttaǵy jumys jalǵasady. Qazirgi ýaqytta Almatynyń 2040 jylǵa deıingi Bas josparyna tolyq sáıkes keletin jáne qala aýmaqtaryn qurylys úshin ártúrli talapby bar aımaqtarǵa bóletin egjeı-tegjeıli josparlaýdyń jańa jobalary bekitildi.