«Qorǵaýshy-Zashıtnık» baý-baqsha seriktestiginde (ých. 62/4 (98)) salynyp jatqan úsh qabatty ǵımarat ruqsat qujattarynsyz boı kótergen, dep habarlady Almatynyń qala qurylysy baqylaý basqarmasy.
Jobalyq-smetalyq qujattamasyz, avtorlyq jáne tehnıkalyq qadaǵalaýsyz, sondaı-aq qurylys-montaj jumystarynyń bastalǵany týraly habarlamasyz bir ýchaskede úsh qabatty jáne bir qabatty kúrdeli qurylystar turǵyzylǵan. Nysan sybaılas jemqorlyqqa qarsy qyzmetpen birlesken jumys barysynda anyqtaldy.
2024 jyldyń 19 shildesinde basqarma jer ýchaskesiniń ıesine (jeke tulǵaǵa) zańsyz qurylysty buzyp, jer telimin bastapqy qalpyna keltirý týraly buzýshylyqtardy joıý jóninde nusqama berdi.
Nusqama talaptaryn oryndaý maqsatynda nysannyń ıesi ǵımaratty óz erkimen buza bastady.
Eske sala keteıik, Almaty ákimi Erbolat Dosaevtyń qurylysqa baqylaýdy kúsheıtý týraly tapsyrmasy aıasynda ótken jyldyń basynan beri 52 zańsyz nysan tolyq nemese jartylaı súrildi, onyń ishinde «Mechta», KHAN, «Alma Garden» turǵyn úı keshenderi jáne basqa da nysandar bar.