Qala jastary ulttyq mádenıetimizdi, salt-dástúrimizdi keńinen nasıhattady
Mádenıet jáne ulttyq salt-dástúr kúnine oraı Almaty qalasynyń komúnıtı ortalyǵynda qala jastary ulttyq mádenıetimiz ben salt-dástúrimizdi keńinen nasıhattaý maqsatynda teatrlandyrylǵan kórinis daıyndady. Shara qonaqtaryna ulttyq taǵamdardan dám tatqyzyp, qonaqjaılyqtyń ádemi úlgisin kórsetti.
«Sharanyń maqsaty - ulttyq qundylyqtardy dáripteý, qazaqtyń salt-dástúrindegi ulttyq ónegeni nasıhattaý», - deıdi uıymdastyrýshylar.
«Naýryz meıramy – kóktemgi jańarý merekesi, kóktemgi kún men túnniń teńesýimen tuspa-tus keletin jańa jyldyń basy, bul – mahabbattyń, qunarlylyq pen dostyqtyń saltanat qurý merekesi. Bul mereke bizdi óz mádenıetimiz ben týǵan jerimizdi qurmetteýge, elimizde turatyn túrli ulttar men ulystar arasyndaǵy tatýlyq pen ózara túsinistikti saqtaýǵa umtylýǵa úıretedi. Naýryz meıramyn toılaý jastardyń kóshpeliler órkenıeti týraly bilimderin qalyptastyrýǵa, tarıhı uǵymdar týraly bilimderin arttyrýǵa, kóshpendiler mádenıeti men qazaq halqynyń tarıhyna degen qurmet pen súıispenshilikti tárbıeleýge múmkindik beredi», - dedi Almaly aýdany komnúnıtı ortalyǵynyń jetekshisi Baǵdat Anarbaeva.
Sonymen qatar, Naýryznama onkúndigi aıasynda, qalanyń belsendi jastary “National day” chellendjin bastady. Chellendj aıasynda, jastar ulttyq kıimderdiń zamanaýı nusqasyn usynyp, chellendjge qosylýǵa shaqyrdy. Zamanaýı ulttyq kıimderdi «AR» demalys ortalyǵynyń belsendileri jasaǵan.
«Osy is-shara aıasynda biz ulttyq kıim ádemi ǵana emes, sonymen qatar jastar úshin óte stıldi jáne kúndelikti ómirde yńǵaıly bolatynyn kórsetkimiz keldi», - dep atap ótti sharany uıymdastyrýshylar.
Aıta keteıik, Naýryz meıramy aıasynda qaladaǵy barlyq komúnıtı ortalyqtarynda jastarǵa arnalǵan túrli is-sharalar josparlanǵan.