«Tulpar» bazary sáýir aıynan bastap jabylady.
Bul týraly Almaly aýdany turǵyndarymen kezdesýi barysynda qala ákimi Erbolat Dosaev málim etti, dep habarlaıdy Almaty-akshamy.kz
Kásipkerler qala ákimine suraq qoıý kezinde «Tastaq» yqshamaýdanyndaǵy «Tulpar» bazaryn jańartý jumystaryn jyl sońyna deıin qaldyra turýyn surady.
«Qaladaǵy barlyq bazar ıeleri zańǵa, kelisimshartqa saı, bazarlardy jańartýy tıis. Sonyń ishinde «Tulpar» bazary da bar. Olar jańartylǵansha adamdardy ýaqytsha basqa jaqqa aýystyrady. Biz bul jumystardy jyldan jylǵa keıinge shegerip kelemiz, ony bastaý qajet», - dedi Erbolat Dosaev.
Almaly aýdanynyń ákimi Erjan Seıtenov bul bazar ıeleri jóndeý jumystaryn birinshi sáýirden bastaýǵa ázir ekenin jetkizdi.
«Ókinishke qaraı, saýda oryndaryn jalǵa alýshylar jańartý jumystaryn osymen tórtinshi ret keıinge qaldyrǵysy keldi. Alaıda, osy joly bastaıdy», - dedi Erjan Seıtenov.