Memlekettik kirister komıteti buıryq daıyndady.
Sý tasqynynan zardap shekken qazaqstandyqtarǵa salyqtar men tólemderdi tóleý keıinge qaldyrylady, dep habarlaıdy Almaty-akshamy.kz
Memlekettik kirister komıteti "Qazaqstan Respýblıkasynyń óńirlerinde sý tasqynynan zardap shekken adamdar úshin salyqtyq ákimshilendirýdi retteýdiń ózge tártibin belgileý týraly" buıryq daıyndady.
Qujatta jergilikti atqarýshy organdar sý tasqynynan zardap shekkenderdiń tizimine engizgen salyq tóleýshiler úshin:
Tóleý merzimi 2024 jylǵy 1 naýryzdan bastap 30 maýsymǵa deıingi kezeńde bastalatyn, barlyq salyq jáne búdjetke tólenetin basqa da mindetti tólemder, sondaı-aq áleýmettik tólemder boıynsha tóleý merzimin 2024 jylǵy 1 shildege deıin keıinge qaldyrý usynylsyn;
2024 jylǵy 1 naýryzdan bastap 30 maýsymǵa deıingi kezeńde bastalatyn salyq eseptiligin tapsyrý merzimderi 2024 jylǵy 1 shildege aýystyrylsyn;
Merziminde oryndalmaǵan salyq mindettemesiniń oryndalýyn qamtamasyz etý jáne salyq bereshegin májbúrlep óndirip alý sharalaryn qabyldaý 2024 jylǵy 1 shildege deıin toqtatyla tursyn;
Oryndaý merzimi 2024 jylǵy 1 naýryzdan bastap 30 maýsymǵa deıingi kezeńde bastalatyn, kameraldyq baqylaý nátıjeleri boıynsha memlekettik kirister organdary anyqtaǵan buzýshylyqtardy joıý týraly habarlamany oryndaý merzimi 2024 jylǵy 1 shildege deıin uzartylsyn;
Kelesi kezekte, atalmysh merzimge deıin toqtatylady:
- salyqtyq tekserýlerdi (keshendi, taqyryptyq, qarsy, hronometrajdyq zerttep-qaraý) taǵaıyndaý;
- memlekettik kirister organdary júzege asyratyn salyqtyq tekserýler júrgizý merziminiń ótýi.