Álemde 1,5 mıllıard adamǵa, ıaǵnı, dúnıejúzi halqynyń besten bir bóligine sý basý qaýpi tónip tur.
Al sý tasqynynan jyl saıyn jahandyq ekonomıkaǵa 50 mıllıard dollar shyǵyn keledi. Bul – aǵylshyn ǵalymdarynyń «Neıcha» jýrnalynda jarıalaǵan derekteri, dep habarlaıdy Almaty-akshamy.kz 24.kz-ke silteme jasap.
Mamandar keıingi jyldary klımattyń ózgerýi saldarynan tabıǵat apaty jıileı túskenin aıtady. Byltyr tasqyn kóp eldi álekke salǵan. Mysaly, ótken jyly kóktemde Italıada keıingi 100 jyldaǵy eń alapat sý tasqyny boldy. 20 myń adam baspanasyz qaldy. Jazda Beıjińde rekordtyq mólsherde jańbyr jaýyp, 31 myń turǵyn evakýasıalandy. Al kúzde Afrıkanyń soltústigindegi Lıvıada alapat tasqynnan 1 mıllıon adam zardap shekti. Tabıǵat apatynan memleketke 71 mıllıon dollar shyǵyn kelgen.