«Bismillá» nemese «Qudaıdyń atymen» degen jazýy bar fıgýra Túrkıanyń Jerorta teńiziniń Antalıa provınsıasyndaǵy mármár karerinde mármár plıtadan tabyldy.
Tasta paıda bolǵan jazý karerde tasty óńdeý kezinde kenshilerdiń nazaryn aýdarǵan. Tastaǵy shańdy súrtkende, jumysshylar onyń arab áripterimen «Bismillá» degen jazýǵa uqsaıtynyn baıqaıdy. Plıta Túrkıanyń ońtústik-batysyndaǵy Isparta provınsıasyndaǵy Súleımen Demırel ýnıversıtetine taldaý jasaýǵa jiberildi. Fızýlı Iagmýrlý, Rasıt Altyndag jáne Nazmı Sengýn esimdi ǵalymdar óz taldaýlarynda qyzyqty jańalyq ashty.
Mármár quramyndaǵy tabylǵan qaldyqtarǵa 195 mıllıon jyl bolsa da, bul jazba tabıǵı túrde paıda bolǵan dep sanalady. Iýra kezeńinde 195 mıllıon jyl buryn ómir súrgen teńiz tirshilik ıelerine jatatyn bıoklastıkalyq qazba qaldyqtary plıtany quraıtyn dolomıt áktasynan tabyldy. Bismillási bar tastaǵy fıgýralar tolyǵymen «tabıǵı» túrde túzilgen, al jazýlar fragmentasıa, deformasıa jáne júrek tárizdi mollúskalardyń qaldyqtarynyń ornalasýy nátıjesinde paıda bolǵan.
Akdenız ýnıversıtetiniń Teologıa fakúltetiniń dekany Ahmet Ogke usynǵan ǵylymı esepke sáıkes, tasta paıda bolǵan fıgýra shynymen de «Bısmıllah» arab jazýy bolyp tabylady.