Dostyqty nyǵaıtqan óner
Ózbekstan astanasynda Shanhaı Yntymaqtastyq Uıymynyń qurylǵanyna 21 jyl tolýyna oraı «SHYU halyqtarynyń mýzyka keshi» konserti ótti, dep habarlaıdy Almaty-akshamy.kz QazAqparat-qa silteme jasap.
SHYU-ǵa múshe elderdiń ulttyq áýenderi ózbek naqyshynda oryndaldy.
«Mýzyka ár halyqtyń dástúrli mádenıetiniń ajyramas bóligi. Bul áýender tyńdarmannyń júregine jyly sezim uıalatady. SHYU halyqtarynyń mýzykalyq óneri jáne mádenıetimen etene tanysý – elder arasyndaǵy dostyqty nyǵaıtýǵa septigin tıgizetini sózsiz», - dep atap ótti SHYU-nyń Halyq dıplomatıasy ortalyǵynyń baspasóz qyzmeti.
Ózbekstannyń memlekettik fılarmonıasy zalynda «Sogdıana» ujymy qazaqtyń uly kompozıtory Qurmanǵazynyń «Balbyraýyn» kúıin oryndady. Sondaı-aq, Hadısha Imomnazorova Shámshi Qaldaıaqovtyń ánderin shyrqady.