Ózbekstan astanasynda «Turaqty týrızm úlgisin damytý – týrısik áleýetti arttyrýǵa baǵyttalǵan jol» halyqaralyq konferensıasynyń ashylý saltanaty ótti, dep habarlaıdy Almaty-akshamy.kz QazAqparat-qa silteme jasap.
«Búgingi kúni ekologıalyq turaqtylyq naryqtaǵy básekelestiktiń mańyzdy faktoryna aınaldy. Halyqtyń ekologıa týraly habardarlyǵyn arttyrý, halyqaralyq standarttardy engizý, tıimdi «jasyl» tehnologıalardy qoldaný – eldiń týrızm salasyn damytatyn negizgi quraýshy faktorlar», - dep atap ótti sálemdesý sózinde Ózbekstannyń tabıǵı resýrstar mınıstri Azız Abdýhakımov.
Qazaqstandyq delegasıa ókilderi jýrnalıserge bergen suhbatynda Orta Azıa elderiniń týrısik saladaǵy básekege qabiletin arttyrý úshin «jasyl» tehnologıalardy paıdalaný máselesi boıynsha tájirıbe almasýdyń mańyzdylyǵyn atap ótti.
«Bizdiń óńirge kelgen sheteldik týrıser Orta Azıanyń birneshe elin birden kórgisi keledi. Sol sebepti bul konferensıada biz turaqty týrızmdi halyqaralyq trendterge saı damytý máselelerin birge talqylaımyz. Qazirgi kúni sý, taza aýa máselesi, bıoalýantúrlilikti, janýarlar jáne ósimdikter álemin saqtaý eń mańyzdy máselelerdiń biri. Biz – týrızm, taýarlar men qyzmetterdi negizgi tutynýshymyz jáne qaldyqtardy óndirýshimiz. Sol sebepti osy jobalar aıasynda jergilikti kásipkerlerdi sýdy, elektr energıasyn durys paıdalanyp, qoqysty bólý jáne qaıta óńdeý arqyly tabıǵat teńdigin buzbaı, óz kásibiniń tabysyn arttyrýǵa úıretý mańyzdy. Bul aspektiler turaqty týrızmdi damytýda mańyzdy rólge ıe. Iaǵnı, biz bir qaraǵanda óte qarapaıym bolyp kórinetin, biraq shyn máninde óte mańyzdy dúnıelerdi úıretemiz», - dedi Qazaqstan týrısik qaýymdastyǵynyń dırektory Rashıda Shaıkenova.
«Turaqty týrızmdi damytý jergilikti turǵyndardy turaqty jumyspen qamtý, keler urpaqqa kórnekti jerler men tabıǵat baılyǵyn búlinbegen kúıinde jetkizý úshin mańyzdy. Osynyń bárin qamtıtyn BUU turaqty týrızm standarttary negizinde jasalǵan arnaıy oqý bar. Olar bıznesti de, jergilikti ákimshilikti de týrızmdi qalaı damytýǵa úıretedi. Máselen, Ózbekstanda 300-den astam otel men qonaqúı mıkroklımatty jaqsartatyn, sý men energıa resýrstaryn únemdeıtin qurylǵylardy paıdalanady. Munyń bári kórsetilgen standarttardy engizýdiń tıimdiligin bilý maqsatynda baqylanyp otyrady. Bul kúshti «jasyl» marketıń quraly jáne qonaqtardyń nıettestigin arttyrady. Osynyń arqasynda týroperatorlar men týrıser seriktestik úshin osyndaı otelderdi jıi tańdaıdy. Al bul qosymsha tabys alyp keledi», - dedi Eýrazıalyq týrızm qaýymdastyǵynyń prezıdenti Rysty Qarabaeva.
EO pen Ózbekstan Respýblıkasy nabıǵı resýrstar mınıstrliginiń qoldaýymen ótip jatqan is-shara Grekıa, Qazaqstan, Kıpr, Latvıa, Tájikstan men Ózbekstannyń týrısik sala ókilderiniń basyn qosty.