Almatydaǵy 28 Panfılovshylar parkinde M.Esbolatov atyndaǵy QR İshki ister akademıasynyń oqýǵa qabyldanǵan kýrsanttarynyń ant qabyldaý rásimi ótti. Akademıa kýrsanttarynyń birinshi jaýapty is-sharasyna akademıa basshylyǵynan bastap, ishki ister salasynyń ardagerleri, generaldar, kýrsanttardyń týystary, sheteldik qonaqtar kelipti. 28 panfılovshylar parkine kelǵen halyq kóp boldy. Ant qabyldaýǵa kelgen kýrsanttardyń boıynan alǵashqy kúnnen bastap tártip pen jaýapkershilik sezilip turdy. Eldiń tártip pen qaýipsizdigine jaýapty bolatyn jańa býynnan akademıa basshylyǵy salanyń ardagerleri, generaldar ant qabyldady.
İs-sharaǵa sheteldik qonaqtar da kelipti. Jer-jerden kelgen ata-analar bolsa ul-qyzdarynyń azamat bolýynyń alǵashqy qadamdarynyń kýási boldy.
Shyrynkúl BAIJUMANOVA, Almaty oblysy Uıǵyr aýdanyn turǵyny, kýrsanttyń ájesi:
- Búgin meniń nemere qyzym Aqbota Qýanysh ant qabyldap jatyr. Bizdiń bir «taqym qysqan» sátimiz. Osy salany tańdaǵan botama bolashaqta memlekettiń myqty mamany bolady dep senim artyp otyrmyz. Elimizdiń tártibi men qaýipsizdigine jaýapty bolatyn mamandar jaqsy bilim alyp, ishki tártiptiń úlgisin kórsetse boldy. Balapanymdy bir allaǵa, oqytýshylaryna tapsyrdym.
Shyrynkúl ájeniń aıtqanyn osy is-sharaǵa kelgen barlyq ata-ananyń sózi dep qabyldadyq. Ant qabyldaý rásimi joǵarǵy deńgeıde, tártippen ótti. Biz bolsaq qolbasshy B.Momyshuly aıtqandaı «Tártipke baǵynǵan qul bolmaıtyn» eldiń bolashaǵyn kórdik. Jas býynnyń bolashaǵy jarqyn bolsyn.