Olardyń kóbi qurylys salasynda jumys isteıdi, dep habarlaıdy aqshamnews.kz
Qazaqstan aýmaǵynda 2025 jylǵy 1 qyrkúıektegi jaǵdaı boıynsha jergilikti atqarýshy organdardyń ruqsatymen 15 054 shetel azamaty eńbek etip júr
Sheteldik jumys kúshine (SHJK) berilgen ruqsattar mynadaı sanattarǵa bólinedi:
561 adam – basshylar men olardyń orynbasarlary (I sanat);
2 348 adam – qurylymdyq bólimshe basshylary (II sanat);
3 980 adam – mamandar (III sanat);
1 052 adam – bilikti jumysshylar (IV sanat).
Sonymen qatar:
3 099 adam maýsymdyq jumystarǵa tartylǵan;
4 015 adam korporatıvtik aýystyrý arqyly jumys istep júr.
Jumys berýshiler men otandyq kadrlar úlesi
Qazirgi tańda Qazaqstanda 1 909 jumys berýshi sheteldik mamandardy paıdalanyp otyr.
Bul kásiporyndarda 341 myńnan astam qazaqstandyq azamat eńbek etedi, ıaǵnı qyzmetkerlerdiń 96%-yn jergilikti kadrlar quraıdy.
Salalar boıynsha eńbek bólinisi
Sheteldik jumysshylardyń negizgi bóligi myna salalarda jumys isteıdi:
qurylys – 4 929 adam;
aýyl, orman jáne balyq sharýashylyǵy – 3 140 adam;
taý-ken ónerkásibi jáne karerlerdi qazý – 1 240 adam;
óńdeý ónerkásibi – 1 122 adam.
Eńbek mıgranttary qaı elderden keledi?
Qazaqstanda eńbek etip júrgen sheteldikterdiń basym bóligi myna elderden kelgen:
Qytaı – 5 545 adam;
Ózbekstan – 2 696 adam;
Túrkıa – 1 076 adam;
Úndistan – 1 052 adam.
Kvota kólemi qalaı belgilenedi?
İshki eńbek naryǵyn qorǵaý maqsatynda QR Eńbek jáne halyqty áleýmettik qorǵaý mınıstrligi jyl saıyn shetel mamandaryn tartýǵa kvota belgileıdi.
2025 jyly kvota bastapqyda 14,8 myń birlik (jumys kúshiniń 0,2%-y) bolyp bekitilgen. Keıinnen jergilikti atqarýshy organdardyń ótinimderine sáıkes 16,5 myń birlikke deıin ulǵaıtyldy.
2025 jyldyń tamyz aıynan bastap maýsymdyq jumysshylarǵa arnalǵan kásipter tizimi keńeıtilip, kvota 0,25%-ǵa nemese 19,4 myń birlikke deıin ulǵaıdy.