Keıde adam taýardy satyp alady da, biraz kúnnen keıin ol qaıtarǵysy keledi. Máselen, kıim jaraspaıdy, turmystyq tehnıka yńǵaıǵa kelmeıdi nemese balaǵa oıynshyq qyzyqsyz bolyp qalady. Mundaı jaǵdaıda da taýardy qaıtarýǵa nemese aıyrbastaýǵa bolady. Tolyǵyraq Aqshamnews.kz materıalynda.
Qaı kezde taýardy qaıtarýǵa bolady?
Taýardyń aqaýy bolmasa, Qazaqstan zańnamasy boıynsha satyp alýshy ony 14 kúnniń ishinde aıyrbastaýǵa quqyly. Bul quqyq QR Azamattyq kodeksinde (454-bap) jáne «Tutynýshylardyń quqyqtaryn qorǵaý týraly» Zańda (30-bap, 1-tarmaq) bekitilgen.
Sharttary:
-
Taýar qoldanylaǵan bolýy kerek;
-
Syrtqy túri, tutynýshylyq pishini saqtalýǵa tıis;
-
Plombasy, japsyrmalary alynbaǵan bolýy qajet;
-
Chek (qaǵaz nemese elektrondy) bolýy qajet.
Aldymen satýshy aıyrbastaý jasaýǵa mindetti. Eger qajet taýar bolmasa aqshany qaıtarýǵa tıis (QR AK 454-bap, 2-tarmaq).
Qaıtarylmaıtyn taýarlar
Zańda arnaıy kórsetilgen tizim bar. Onda:
-
dárilik zattar men medısınalyq buıymdar;
-
ishkıimder;
-
shulyq-toqyma buıymdary;
-
janýarlar men ósimdikter;
-
ólshep satylatyn taýarlar (mata, trıkotaj, toqyma, lınoleým, kabel, t.b.);
-
abonenttik qurylǵylar (uıaly baılanysqa arnalǵan).
Burynǵy zańda bul tizimde basqa da taýarlar bolǵan: tósek-jabdyq, altyn-kúmis áshekeıler, parfúmerıa.
Eskeretin jaıttar
-
Taǵam túrleri qaıtarylmaıdy. Mysaly, saǵyz ben temeki de «azyq-túlikke» jatady, sondyqtan qaıtarylmaıdy.
-
Eger taýardy qoldanyp qoısańyz, «taýar túri buzyldy» dep qabyldamaýy múmkin.
-
Qaıtarý merzimi – 14 kún, ári ol satyp alý kelisimi jasalǵan kúnnen bastap esepteledi.
Eger satýshy qaıtarýdan bas tartsa
Satyp alýshy QR Saýda jáne ıntegrasıa mınıstrliginiń Saýda komıtetine nemese e-Gov.kz arqyly shaǵym túsire alady.
Ákimshilik jaýapkershilik (QR ÁQBtK 190-bap, 5-tarmaq):
-
jeke tulǵaǵa – 5 AEK aıyppul;
-
shaǵyn bızneske – 10 AEK;
-
orta bızneske – 15 AEK;
-
iri bızneske – 25 AEK.
Qaıtarý merzimi
Zańda naqty kórsetilmegen, biraq jóndeý qajet bolmaǵandyqtan, satýshy aqshany nemese aıyrbasty birden oryndaýǵa tıis.