Nazarbaevtyń burynǵy qudasy Asqar Aqaev qalaǵan mártebesine qol jetkize almady, dep habarlaıdy aqshamnews.kz
Jogorký Kenesh Asqar Aqaevqa Qyrǵyzstannyń eks-prezıdenti mártebesin qaıtarýdan bas tartty. Kloop basylymynyń málimetinshe, bul sheshim úshin 71 depýtat daýys berip, ekeýi qarsy shyqqan.
«Bul óte mańyzdy másele boldy. Biz bárimiz táýelsizdik jyldarynda elimizdiń qandaı qıyndyqtarǵa tap bolǵanyn kórdik. Jaqsylyǵynan jamanshylyǵy kóbirek boldy. Munda birinshi prezıdent Asqar Aqaevtyń kinási bar. Onyń ishinde Aksy oqıǵalary da bar. Aksy saılaýshylary bul máseleni tereń alańdaýshylyqpen baqylap otyrdy. Parlament durys sheshim qabyldady dep oılaımyn. Tarıh pen halyq óz baǵasyn beredi», — dedi Qyrǵyz Respýblıkasy parlamentiniń spıkeri Nýrlanbek Shakıev.
Asqar Aqaev 1990 jyldan 2005 jylǵa deıin Qyrǵyzstandy basqarǵan. Ol halyq narazylyǵynan keıin, ıaǵnı «qyzǵaldaq tóńkerisi» dep atalatyn oqıǵadan keıin elden qashyp ketti.
Nursultan Nazarbaevtyń kishi qyzy Aqaevtyń úlken ulyna turmysqa shyqqan edi. Olar nekede úsh jylǵa jetpeı ómir súrdi (1998–2001 jj.).