«Taqıaly perishte» fılmindegi Taılaqtyń prototıpi – Sakko esimdi azamat ómirden ótti, dep habarlaıdy El.kz aqparat agenttigi.
Bul týraly jýrnalıs Darhan Ómirbek áleýmettik jelide málimdedi, dep habarlaıdy aqshamnews.kz.
Naǵyz "taqıaly perishte" dúnıeden ozdy. "Taqıa perishte" fılminiń jelisi ómirde bolǵan oqıǵa ekenin bilesiz be? Tek keıipkerleriniń aty Tana emes Aınagúl, Taılaq emes Sakko. Sakkov - jeti balanyń kenjesi. Eki aǵasy, tórt ápkesi bolǵan. Eki uly uıaǵa, tórt qyzyn qıaǵa qondyrǵan anasy jýas kenjesi úılenbeı qala ma dep ýaıymdap, iske kirisken. Munyń bári qalaı kınoǵa aınaldy deısiz be? Aınagúl apanyń bir qyzy rejıser Káýken Kenjetaevqa turmysqa shyqqan. Al ol enesi men qaıyn inisiniń hıkaıasyn aǵasy Sháken Aımanovqa áńgimelep bergen, - dep jazdy jýrnalıs.
Qarataev Sakko Beısekuly 1937 jyly dúnıege kelgen. Onyń ákesi halyq jaýy dep qýǵyndalyp, bala Sakko ákesin kórmeı jetim qalǵan
1 aqpan kúni Qarataev Sakko Beısekuly 88 jasynda ómirden ótti. Onyń qyzy Álıa Balapanova kezinde ákesiniń tarıhyn kópshilikpen bólisip, onyń áıgili fılmniń basty keıipkeriniń prototıpi ekenin rastaǵan bolatyn.