Kisi óltirgen kúdiktiler eki aıǵa jýyq ýaqyt ózderi qazǵan jerge jasyrynyp júrgen, – dep habarlaıdy Polisia.kz.
Almaty polıseıleri osy jyldyń qazan aıynda tanysyn óltirip, qylmys izin jasyrý úshin denesin órtep jibergen 22 jáne 33 jastaǵy eki er adamdy ustady.
– Arnaıy jedel-tergeý toby quryldy. Kúni keshe kúdiktilerdiń turǵan jeri belgili boldy: olar osy ýaqyt boıy Almaty – Astana tas jolynan 2 shaqyrym jerde ornalasqan oryndy qazyp, (kólemi 3h1,3 m, bıiktigi 1,7 m) sol jerde jasyrynyp júrgen. Onda kúdiktiler ózderine arnaıy baspana jasap, tamaqtanatyn oryn jasap qoıǵan. Olar ózderiniń tanysyn óltirgenderin moıyndady. Kúdiktiler qamaýǵa alyndy, – dedi Almaty qalalyq PD krımınaldyq polısıa basqarmasynyń bastyǵy Qýatbek Naýatov.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.