Bıylǵy jyl «Alatay Aqparat» ujymy úshin jemisti de jeńisti jyldardyń biri boldy. Olaı deıtinimiz, munyń aldyndaǵy jetistikterimizdi aıtpaǵanda, kúni keshe áriptesterimiz – «Vechernıı Almaty» gazetiniń Bas redaktory Evgenıı Rahımjanov pen «Vechernıı Almaty» gazetiniń shyǵarýshy redaktory Jánibek Súleev QR Aqparat jáne qoǵamdyq damý mınıstrliginiń «Aqparat salasynyń úzdigi» tósbelgisimen marapattaldy.
Marapattaý rásimine Almaty qalasy qoǵamdyq damý basqarmasynyń basshysy Aıdar Esenbek, Qazaqstan Jýrnalısıka akademıasynyń prezıdenti Saǵymbaı Qozybaev jáne IýNESKO-nyń jetekshi ǵylymı qyzmetkeri Valerıı Jandáýletov, kolleksıoner, Qazaqstan Respýblıkasynyń eńbek sińirgen qaıratkeri Azat Ákimbek qatysty.
«Jýrnalıser – qyry-syry mol, erkindik pen daryndy talap etetin shyǵarmashylyq ıeleri. Osy salada erinbeı eńbek etip, oqyrmandardyń oń baǵasyna ıe bolǵan jandardy búgingi marapattarymen shyn júrekten quttyqtaımyn! Aldaǵy ýaqytta tolaǵaı tabystarǵa jetýlerine tilekshimin. Qazir qarap otyrsaq, gazet betterinde oıy oramdy, sózi semserdeı jýrnalıserdi kózimiz shalady. Aldyńǵy býyn aǵalarmen tájirıbe almasqan jastarymyz bolashaqta qarymdy jýrnalıs bolatynyna senimdimin», – dedi «Alataý Aqparat» JSHS-niń bas dırektory Tólemis Kúlmuhamedov.
Sondaı-aq, dál osy kúni «Alataý Aqparat» medıaholdıngine qarasty «Vechernıı Almaty» gazetinde 38 jyldan astam ýaqyt taban aýdarmaı bir salada, bir mekemede eńbek etip kele jatqan «Alataý Aqparat» JSHS bas dırektorynyń orynbasary Abdýhalıl Jalılovtyń týǵan kúnine oraı, zeınetke shyǵýyna baılanysty quttyqtaý rásimi ótti. Shırek ǵasyrdan astam jýrnalısıka salasynda eńbek etken Abdýhalıl Jalılovqa «Alataý Aqparat» ujymynyń atynan oıý-órnekpen kómkerilgen shapan jabyldy. Áriptesteri aqjarama tilekterin arnady.
«Meniń osy «Almaty aqshamy» gazetine kelgenime 16 jyldyń kólemi bolypty. Osy aralyqta Abdýhalıldi aǵamyzdaı syılap, kóp nárse úırendik. Redaksıanyń biz bile bermeıtin ishki jumystaryn, kózge kóp kórine bermeıtin jumystardy tabandy atqaryp keledi. Ol kisiniń uıymdastyrýshylyq qabiletiniń arqasynda qyzmetkerlerimiz qandaı da bir is-sharada bolsyn, úlken aýyzbirshilik tanytady. Ósip kele jatqan jas jýrnalıserimiz osynaý aǵalardan úlgi-ónege alyp kele jatqanyna qýanyshtymyn. Aǵamyzdaı bolyp ketken Abdýhalılge tek qana tolaǵaı tabystar tileımin», – dedi «Almaty aqshamy» gazeti bas redaktorynyń orynbasary Ánýarbek Áýelbek.
Osy rette ujymymyzdyń qadirli qyzmetkeri Abdýhalıl Jalılovtyń Qazaqstan Jýrnalısıka akademıasynyń Ultaralyq jýrnalısıka salasy boıynsha Ioldash Azamatov atyndaǵy syılyǵymen marapattalǵandyǵyn erekshe atap ótkenimiz jón bolar.
«Abdýhalıl Erkenovıchtiń jýrnalısıka salasynda atqarǵan qyzmeti - bolashaq urpaqqa úlken ónege. 30 jyldyq qyzmette qazaq, orys redaksıalarynda tabandy jumys atqardy. Ultaralyq jýrnalısıka salasyna súbeli úles qosty. Men QazUÝ-de – qara shańyraqta muǵalimdik qyzmet atqarǵanymda, Abdýhalıl meniń stýdentim bolǵan. Qazir, mine, zeınetker jýrnalıs atandy. "Artyńa qarap qartaıasyń" degen osy bolar, beınetińniń zeınetin kórýdi násip etsin degen tilegimdi bildirgim keledi», –deıdi Qazaqstan Jýrnalısıka akademıasynyń prezıdenti Saǵymbaı Qozybaev.
«Alataý Aqparat» medıaholdıńiniń qyzmetkerleri óz jumysynda shahardyń tynys-tirshiliginen habar berip qana qoımaı, ár mereke saıyn túrli marapattarǵa ıe bolyp jatyr. Bul degenimiz, eseli eńbektiń elengeniniń belgisi bolar. Osy rette jýrnalıs óz mamandyǵynyń quly, óz mamandyǵyn súımeıtinderge jýrnalısıkada oryn joq demekshimiz. Adal qyzmet atqarǵan jandardyń eńbegi eselene bergeni barshamyzdy qýantady.