2023 jyldyń tamyz aıynda sırek kezdesetin astronomıalyq qubylys bolady.
Bir aı ishinde – 1 jáne 31 tamyz kúnderi eki ret aı tolady jáne bul sońǵy 42 jylda birinshi ret bolmaq, dep habarlaıdy Almaty-akshamy.kz QazAqparatqa silteme jasap.
«Máskeý planetarııiniń» málimetine sáıkes, mundaı jaǵdaı 2000-2042 jyldar aralyǵynda bir ret qana bolady. Mamandar túsindirgendeı, eki tolyq Aı arasyndaǵy ýaqyt aralyǵy 29, 53 kún. Bul aıdyń ortasha uzaqtyǵynan sál qysqa. Sondyqtan ~2,7154 jyl ishinde kúntizbede qosymsha tolyq aı jınalyp, bir jylda ádettegi on eki emes, on úsh tolyq aı bolýy múmkin ekenin eske salady.
31 tamyzdaǵy sýperaı kezinde jer turǵyndary 2023 jyldyń eń úlken tolyq aıyn kóre alady. Bul kúni aı perıgeıge múmkindiginshe jaqyn bolady (Jerden eń az qashyqtyq).
Astronomdardyń aıtýynsha, tolyq Aı fazasynyń aı orbıtasynyń perıgeıimen eń jaqyn sáıkes kelýi 2023 jyldyń 31 tamyzynda bolmaq. Aı óz orbıtasynyń perıgelıasynda 30 tamyzda saǵat 21:52-de bolady. Al tolyq Aı fazasy Astana ýaqyty boıynsha 07:37-de ótedi. Bul oqıǵalar arasyndaǵy aıyrmashylyq 9 saǵat 45 mınýtty quraıdy.