19 myńǵa jýyq talapker qatysty
Tamyz aıyndaǵy Ulttyq biryńǵaı testileýge (UBT) 19 myńǵa jýyq talapker qatysty, dep habarlaıdy Almaty-akshamy.kz QR Ǵylym jáne joǵary bilim mınıstrliginiń baspasóz qyzmetine silteme jasap habarlaıdy.
19 myńǵa jýyq túlektiń 69% qazaq tilinde, 31% jýyǵy orys tilinde, 0,1% aǵylshyn tilinde testileýden ótti. Aıta keteıik, tamyzdaǵy UBT sertıfıkatymen talapkerler joǵary oqý oryndaryna aqyly negizde oqýǵa túse alady.
Testileý qorytyndysy boıynsha 10 myń talapker shekti bal jınaı aldy, Bul – qatysýshylardyń jalpy sanynyń shamamen 54% quraıdy. UBT ortasha baly 58 baldy qurady. Eń joǵary bal – 128.
UBT ótkizý barysynda 118 qatysýshynyń nátıjesi joıyldy. Onyń ishinde 39 azamat smartfon, shpargalka jáne basqa da tyıym salynǵan zattardy alyp ótýge tyrysqany úshin test tapsyrý múmkindiginen aıyrylǵan. Qalǵan 79 adam testileý kezinde erejelerdi buzyp, aýdıtorıadan shyǵarylǵan. Olardyń da test nátıjesi joıyldy.
«Talapkerlerdiń tańdaýy ózgerissiz qalyp tur. Barlyq qatysýshylardyń 21% «matematıka-fızıka» kombınasıasyn, 20% «hımıa-bıologıa» kombınasıasyn tańdaǵan. «Hımıa-Fızıka» pánder kombınasıasyn tek 39 talapker tapsyrdy», – dedi QR ǴJB Ulttyq testileý ortalyǵynyń dırektory Rýslan Emelbaev.
Eske salaıyq, testileý qorytyndysymen kelispegen talapker apelásıaǵa elektrondy formatta ótinish bere alady. Tamyzda UBT tapsyrǵandardan apelásıaǵa 2 myńnan astam ótinish túsken. Olardyń ishinde 2 test tapsyrmasy qanaǵattandyryldy. Respýblıkalyq apelásıalyq komısıa jumysyn aıaqtady, talapkerlerdiń sertıfıkattary jeke kabınette qoljetimdi.
Tamyz aıyndaǵy UBT shekti bal jınaı almaǵan talapkerlerdiń testileýden qaıta ótip, JOO-ǵa aqyly negizde túsý múmkindigi bolýy úshin ótkiziledi. Sonymen qatar JOO-da aqyly negizde óz mamandyǵy boıynsha oqýdy jalǵastyrýdy josparlap otyrǵan kolej túlekteri oqýǵa áńgimelesý qorytyndysy boıynsha qabyldanady.