Ótken aıda kásibı mamandar belsendilik tanytty.
Jańa oqý jyly qarsańynda Qazaqstannyń keı óńirlerinde mektep muǵalimderi tapshy boldy, dep habarlaıdy Almaty-akshamy.kz.
«Elektrondyq eńbek bırjasynyń derekterine sáıkes, aǵymdaǵy jyldyń tamyz aıynda jumys izdeýshiler men jumys berýshiler 57,5 myń túıindeme men 113,1 myń bos jumys orny jóninde habarlama ornalastyrdy. Shildemen salystyrǵanda, túıindemeler sany 20%-ǵa, al bos oryndar týraly habarlandyrý sany 38%-ǵa artty», – delingen Eńbek jáne halyqty ádeýmettik qorǵaý mınıstrliginiń baspasóz qyzmetiniń habarlamasynda.
Mamandardyń aıtýynsha, shet tilderi muǵalimderi, orys tili men ádebıeti, sondaı-aq bastaýysh synyptar men matematıka pánderiniń ustazdaryna suranys kóp bolǵan.
«Ótken aıda usynys joǵary bilikti kadrlardyń belgili bir mamandyqtaryna degen suranysty ishinara qanaǵattandyrdy jáne osy salada keıbir mamandardyń tapshylyǵy jáne basqalardyń artyq bolýy qalyptasty. Mysaly, jumys izdep júrgen dene shynyqtyrý jáne sport muǵalimderi talap etilgennen kóp boldy – 1269 túıindemege 805 bos jumys orny, al 1180 túıindemege qazaq tili men ádebıeti muǵalimderiniń 788 bos orny ǵana keldi», – dep atap ótti QR Eńbekmıni «Eńbek resýrstaryn damytý ortalyǵy» AQ Basqarýshy dırektory Aleksandra Molchanovskaıa.
EEB-daǵy túıindemeler men bos jumys oryndarynyń sanyn salystyrý belgili bir mamandaný muǵalimderimen qatar naryqta qyzmet kórsetý jáne satý salasyndaǵy qyzmetkerlerdiń tapshylyǵy bar ekenin kórsetti. Mysaly, tamyz aıynda kúzetshiler (399 túıindemege 2189 bos oryn), satýshy konsýltanttar (171 túıindemege 1169 bos oryn), kasırler (139 túıindemege 910 bos oryn), aspazdar (500 túıindemege 1255 bos oryn), sondaı-aq tárbıeshilerdiń kómekshileri (271 túıindemege 1024 bos oryn) kóbirek suranysqa ıe boldy.
«Ulttyq halyq sanaǵyn ótkizýdiń bastalýy aıasynda tamyz aıynda saýalnama júrgizý boıynsha suhbat alýshylar eń kóp suranysqa ıe boldy: 2560 bos orynǵa tek 8 túıindeme usynyldy», – dep atap ótti Aleksandra Molchanovskaıa.
Buǵan qosa, belgili bir mamandyq muǵalimderimen qatar, shilde aıyndaǵydaı, basqa bilikti qyzmetkerlerdiń arasynda zańgerler, mal ósirýshiler, feldsherler jáne qarjygerler de boldy. Biliktiligi joq jumyskerler ishinen eldi mekenderdi abattandyrý jáne kógaldandyrý boıynsha qyzmetkerler az suranysqa ıe boldy, alaıda mektepterdegi eden jýýshylar arasynda (241 túıindemege 1013 bos oryn) jáne aýla sypyrýshylar arasynda (523 túıindemege 1159 bos oryn) joǵary suranysty atap ótýge bolady.