2025 jylǵy tamyz aıynda «Enbek.kz» elektrondyq eńbek bırjasyna (budan ári – EEB) 239,8 myń bos jumys orny jarıalanyp, jumys izdeýshiler tarapynan 138,5 myń túıindeme ornalastyryldy. Ótken aımen salystyrǵanda EEB-degi bos oryndar sany 128,9%-ǵa (+135 myń) artqan, al túıindemeler sany 6,3%-ǵa (-9,3 myń) azaıdy, - dep habarlaıdy Aqshamnews.kz.
Bos jumys oryndarynyń basym bóligi kelesi salalarǵa tıesili: bilim berý (120,7 myń), aqparat jáne baılanys (17,4 myń), basqa da qyzmet kórsetý túrleri (17,1 myń), óńdeý ónerkásibi (15 myń). Bul tórt sala tamyz aıyndaǵy jalpy suranystyń 70%-dan astamyn qurady. Aıta ketsek, bilim berý salasyndaǵy ár besinshi bos jumys orny (18,5%) Astana jáne Almaty qalalarynda ornalastyrylǵan.
Suranys qurylymynda joǵary bilikti kadrlarǵa basymdyq berildi – bul sanatqa 124,1 myń bos jumys orny nemese 52% sáıkes keledi. Joǵary bilikti kadrlarǵa arnalǵan bos oryndardyń úshten ekisi (81,6 myń) bilim berý jáne tárbıe salasyndaǵy mamandarǵa tıesili. Orta bilikti mamandarǵa suranys – 31% (75,2 myń), al biliktiligi joq jumysshylarǵa – 17% (40,4 myń).
Bos jumys oryndarynyń eń úlken ósimi kelesi óńirlerde tirkeldi: Almaty oblysy – +387,5% (20,3 myńǵa deıin), Jambyl oblysy – +377,4% (15,9 myńǵa deıin), Batys Qazaqstan oblysy – +242,4% (12,3 myńǵa deıin), Aqtóbe oblysy – +198,4% (14,1 myńǵa deıin) jáne Jetisý oblysy – +182,7% (5,8 myńǵa deıin).
Jalpy túıindeme sanynyń azdap tómendeýine qaramastan, kóptegen óńirlerde izdenýshiler belsendiligi artty. Eń úlken ósim Almaty oblysynda (+31,4%, 9,7 myńǵa deıin), Almaty qalasynda (+30,4%, 11 myńǵa deıin) jáne Túrkistan oblysynda (+17%, 18 myńǵa deıin) baıqaldy. Sonymen qatar, keıbir óńirlerde belsendiliktiń tómendeýi tirkeldi: Shymkent qalasy (-50,2%, 9,7 myńǵa deıin), Soltústik Qazaqstan oblysy (-18,4%, 2,3 myńǵa deıin) jáne Qaraǵandy oblysy (-16,4%, 5,6 myńǵa deıin).
Kásipter boıynsha eń kóp suranysqa ıe mamandyqtar – PR-menedjerler (16,3 myń bos oryn), matematıka pániniń muǵalimderi (7,6 myń) jáne tárbıeshiler (6,1 myń) boldy. Orta bilikti mamandar arasynda – tárbıeshi kómekshileri (4,4 myń), kúzetshiler (2,7 myń) jáne avtokólik júrgizýshileri (2,6 myń) suranysqa ıe.
Eń joǵary jalaqy kútken kandıdattar – tehnıkalyq dırektorlar (ortasha 1,2 mln teńge), ushqyshtar (~1,2 mln tg) jáne komersıalyq dırektorlar (~1,1 mln tg). Bul rette tamyz aıynda jumys berýshiler usynǵan eń joǵary jalaqylar – ken óndirý salasyndaǵy seh basshysy (shamamen 843,8 myń teńge), energıamen jabdyqtaý qyzmeti basshysynyń orynbasary (~733 myń teńge) jáne IT salasyndaǵy baǵdarlamalar bas redaktory (~718 myń teńge) laýazymdaryna tıesili.
Osylaısha, 2025 jylǵy tamyzda EEB alańynda túıindemeler sanynyń qalypty tómendeýimen joǵary bilikti jumys kúshine degen suranystyń óskeni baıqaldy. Bul ósim jańa oqý jylynyń qarsańynda bilim berý salasynda oryn alǵan maýsymdyq faktorlarmen, atap aıtqanda, muǵalimder (sonyń ishinde bastaýysh synyp muǵalimderi), tárbıeshiler jáne olardyń kómekshileri boıynsha bos oryndardyń jappaı jarıalanýymen baılanysty boldy.