"Pafos fýtbol klýbynyń bas bapkeri Karlos Karkedo Chempıondar lıgasynyń jalpy kezeńdegi "Qaıratqa" qarsy syrt alańdaǵy kezdesýde komandasynyń jeńiske jetý múmkindikteri bolǵanyn aıtty, - dep habarlaıdy AqshamNews.kz tilshisi.
Kıprlik klýbtyń bas bapkeriniń oıynnan keıingi baspasóz máslıhatynda aıtýynsha, 0:0 esebimen aıaqtalǵan machte onyń komandasy úsh-tórt naqty goldyq múmkindikke ıe bolǵan. Sonymen qatar, ol Temirlan Anarbekovtiń oıynyna qatysty pikir bildirdi.
"Qaırattyń qaqpashysy tamasha seıv jasady. Biz on oıynshymen oınaýǵa daıyn edik. Eki qaqpashy da jaqsy oıyn kórsetti, biraq "Qaırattyń" golkıperi birneshe sátte komandasyn qutqaryp qaldy." – dedi Pafos bapkeri Karlos Karkedo machtan keıingi baspasóz konferensıasynda.
Ol "Qaırattyń" agressıvti oınaǵanyn qosa ketti:
"Gol soǵa bildik, biraq ony alyp tastady. Degenmen, jalpy nátıje biz úshin ońdy boldy dep esepteımin. Biz barynsha jaqsy oıyn kórsettik. “Qaırattyń” óte agressıvti oınaıtynyn bildik, biz de agresıa tanytqymyz keldi, biraq qoldan kelmedi. Bul jerde úsh upaımen ketýge múmkindik bar edi, biraq bul - jarys", - dedi "Pafos" FK bas bapkeri.
Sondaı-aq maman Almatydaǵy atmosfera men stadıondaǵy oıynnyń kúrdeliligin atap ótti:
“Bul stadıonda oıyn qıyn bolatynyn bildik. Sizder óz oıyndaryńyzdy jasaı almadyńyzdar - biz múmkindik bermedik", - dep túıindedi ol.
Aıta keteıik, "Qaırat" pen "Pafos" arasyndaǵy mach teń nátıjede aıaqtalǵan bolatyn.