"Qaırat" kıprlik "Pafosqa" qarsy machti teń aıaqtady, - dep habarlaıdy aqshamnews.kz tilshisi.
Almatydaǵy Ortalyq stadıonda ótken “Qaırat” pen kıprlik “Pafos” arasyndaǵy mach aıaqtaldy.
Komandalardyń bastapqy quramy tómendegideı boldy:
Qaırat: Anarbekov, Tapalov, Martynovıch, Sorokın, Lýıs Mata, Arad, Gleızer, Mrynskıı, Jorjıno, Gromyko, Sátbaev;
Pafos: Neofıtos, Pıleas, Davıd Lýız, Lýkasen, Brýno, Shýnjıch, Pepe, Orshıch, Dragomır, Kına, Djoao Korreıa.
sýret: Samat Qusaıynov
Alǵashqy taım qalaı órbidi?
Oıynnyń alǵashqy mınýttarynan-aq alańdaǵy shıelenis sezildi. 4-mınýtta “Pafos” qorǵaýshysy Joaý Korreıa “Qaırat” oıynshysy Lýısh Mataǵa qarsy dóreki oınaǵany úshin qyzyl qaǵaz alyp, alańnan qýyldy. Osy sátten keıin almatylyqtar bir oıynshyǵa artyq oınap, shabýyldy kúsheıtti.
Birneshe qaýipti shabýyldar uıymdastyrylǵanymen, sheshýshi soqqylar nátıjesiz aıaqtaldy. 21-mınýtta “Qaırattyń” shabýylshysy Dastan Sátpaev eskertý aldy.
sýret: Samat Qusaıynov
Qaqpashy Temirlannyń erligi
Oıynnyń eń qaýipti sátteriniń biri 33-mınýtta boldy. “Pafos” shabýylshysy Dragomır “Qaırat” qaqpashysymen birge-bir shyqqan edi. Biraq Temirlan Anarbekov naǵyz kásibı reaksıa tanytyp, soqqyny betimen qaıtardy. Sol sátte ol jaraqat alyp, biraz ýaqyt alańda jatty. Jankúıerler oǵan zor qoldaý kórsetip, qaqpashy birneshe mınýttan soń oıyndy jalǵastyrdy.
Osylaısha birinshi taım 0:0 esebimen túıindeldi.
sýret: Samat Qusaıynov
Ekinshi taımdaǵy alma-kezek shabýyldar
Úzilisten keıin “Qaırattyń” bas bapkeri Rafael Orazbahtın taktıkalyq ózgeris jasady. Erkin Tapalovtyń ornyna 87-nómirli Azamat Tuıaqbaev alańǵa shyqty.
55-mınýtta Jorjıno “Pafos” qaqpashysymen birge-bir shyqqanymen, soqqysy sátsiz boldy.
61-mınýtta Zarıa Glazerdiń ornyn basty.
68-mınýtta Davıd Lýızdiń qatty soqqysyn Anarbekov qaıtara bildi.
70-mınýtta Dastan Sátpaevtyń júz paıyzdyq múmkindigi bolǵanymen, gol soǵa almady.
sýret: Samat Qusaıynov
“Qaırattyń” baǵyna oraı...
72-mınýtta “Pafos” shabýylshysy Dragomır baǵyttaǵan dop qaqpa baǵanasyna tıip, odan Anarbekovtyń arqasyna soǵylyp, torǵa túskendeı boldy. Alǵashynda avtogol dep eseptelgen bul sát VAR júıesi arqyly tekserilip, Dragomır oıynnan tys qalǵany anyqtalyp, gol eseptelmedi.
80-mınýtta Davıd Lýız sary qaǵaz aldy.
Qosymsha berilgen tórt mınýtta (90+4) da esep ózgermedi.
Mach nátıjesinshe “Qaırat” pen “Pafos” teń tústi. Oıyn barysynda almatylyqtar dopqa ıelik etý jaǵynan da, shabýyl jaǵynan da basym bolǵanymen, sáttilik serik bolmady. Osylaısha, Qazaqstandyq klýb Chempıondar lıgasyndaǵy alǵashqy upaılaryn aldy.
Aıta keteıik, 6 qarashada “Qaırat” syrt alańda ıtalıalyq “Inter” komandasymen oınaıdy.