Qazaqstan Respýblıkasy Premer-Mınıstriniń orynbasary Tamara Dúısenova Aqtóbe oblysyna jumys sapary barysynda pedagogtarmen kezdesýinde Qazaqstanda atom elektr stansıasyn (AES) salý taqyrybyn qozǵady.
«6 qazanda atom elektr stansıasyn salý boıynsha referendým ótedi. Qoǵamda túrli pikirler bar. Men bul máseleni áleýmettik sala turǵysynan qarastyrýdy usynamyn. Qazir elimizde shamamen 8 myń mektep, 6 myńǵa jýyq medısınalyq uıym jáne 10 myńǵa jýyq mektepke deıingi mekeme bar. Bul uıymdar jelisi keńeıip, sáıkesinshe elektr energıasyna degen suranys ta artady. Atom elektr stansıasynan qorqýdyń qajeti joq dep oılaımyn. 1959 jyldan beri Almatyda Iadrolyq fızıka ınstıtýty jumys istep keledi, onda reaktor ornatylǵan jáne olar ǵylymı qyzmetpen aınalysady. Olardyń jumysyna eshqandaı shaǵym joq. Azamattar aldaǵy referendýmǵa belsendi qatysyp, óz tańdaýlaryn jasaýy kerek», – dep atap ótti Tamara Dúısenova.