Sapasyz jáne qaýipti ónimdi anyqtaý maqsatynda Mınıstrlikte 2023 jyldyń sáýir aıynan bastap ahýaldyq (Sıtýasıalyq) shtab jumys isteıdi.
Barlyq óńirlerde tutynýshylardyń quqyqtaryn qorǵaý jónindegi qoǵamdyq uıymdar Ulttyq saraptama ortalyǵynyń ókilderimen birlesip ımporttyq sút ónimderin, qus eti, shujyq ónimderin, irimshikti, sary maı men kúnbaǵys maıyn iriktep, saraptamaǵa usyndy, dep habarlaıdy almaty-akshamy.kz.
Birlesken jumys nátıjeleri boıynsha ónimniń 200-den astam túri (sút, kilegeı, aıran, sary maı, kúnbaǵys maıy, súzbe, irimshik, qus eti, balyq eti, shujyq ónimderi) zertteldi.
Onyń ishinde 40 túri boıynsha tamaq ónimderiniń qaýipsizdigi týraly normatıvterdiń buzylýy anyqtaldy. Atap aıtqanda, biz ónimniń málimdelgen sıpattamalary men quramynyń sanıtarlyq – epıdemıologıalyq talaptarǵa, sondaı-aq tańbalaý talaptaryna sáıkes kelmeýi (memlekettik tilde aqparattyń bolmaýy, maı - qyshqyl quramynyń sáıkes kelmeýi, bakterıalardyń tabylýy) sıaqty buzýshylyqtar týraly aıtyp otyrmyz.
Nátıjesinde, tamaq ónimderiniń sáıkestigi týraly 83 deklarasıanyń kúshi joıyldy.
Osy rette, aǵymdaǵy jyly tutynýshylardyń quqyqtaryn qorǵaý jónindegi memlekettik organdarmen jáne qoǵamdyq uıymdarmen tyǵyz ózara is-qımylda sapasyz jáne qaýipti ónimdi anyqtaýdyń tıimdiligin arttyrý jóninde sharalar qabyldaı otyryp, Ahýaldyq shtabtyń jumysyn kúsheıtýdi qajet etedi.
Óz kezeginde, ótken jyldyń sońynda ishki naryqtyń jáne otandyq óndirýshilerdiń, tutynýshylardyń, quqyqtaryn qorǵaýǵa baǵyttalǵan "Sapaly ónim" áleýmettik jobasyn iske asyrý jónindegi jol kartasy bekitildi.
"Sapaly ónim" jobasyn iske asyrý tutynýshylardyń quqyqtaryn qorǵaý jónindegi qoǵamdyq uıymdardyń qoǵamdyq baqylaý quraly arqyly júzege asyrylatyn bolady.
Jol kartasymen kelesi jumystardy júrgizý kózdeledi:
- sapaly otandyq ımıjdi qalyptastyrý jáne taný maqsatynda "Sapaly Ónim" halyqtyq sapa belgisin bekitý.
- buqaralyq aqparat quraldarynda ulttyq jobanyń nátıjeleri men iske asyrylý barysy týraly halyqty keńinen habardar etý.
Nátıjesinde bul joba tanymal jáne barlyq jerde tutynylatyn otandyq brendke aınalýy kerek.
Sonymen qatar, 2024 jylǵa jalpy somasy 200,0 mln.teńgege tehnıkalyq erekshelikter ázirlendi, memlekettik áleýmettik tapsyrysty iske asyrý barysynda buqaralyq-aqparat quraldary arqyly ónimniń sapasy men qaýipsizdigine júrgizilgen saraptama jumystarynyń nátıjeleri týraly halyqty habardar etý kózdeledi.
Memlekettik áleýmettik tapsyrysty iske asyrý Qazaqstannyń barlyq 20 óńirinde júzege asyrylatyn bolady. Konkýrsty ótkizý aǵymdaǵy jyldyń 1-toqsanyna josparlanǵan.
Tutynýshylardyń quqyqtaryn qorǵaý boıynsha úkimettik emes sektordy tartý boıynsha osyndaı jumys olarǵa memlekettik granttar berý baǵyty boıynsha júrgiziletin bolady.
Mádenıet jáne aqparat mınıstrliginiń Úkimettik emes uıymdarymen ózara is-qımyl jónindegi úılestirý keńesi Komıtettiń 197,5 mln.teńge somasyna ótinimin qarady.
Otyrys qorytyndysy boıynsha 2024 jylǵa arnalǵan tutynýshylardy qorǵaý boıynsha memlekettik granttardyń kelesi baǵyttary biraýyzdan maquldandy:
- keńes berýdi jáne sotqa deıingi retteýdi kózdeıtin tutynýshylardyń quqyqtaryn qorǵaý;
- qoǵamdyq baqylaý júrgizý kezinde taýarlardyń sapasy men qaýipsizdigine saraptama satyp alý jáne júrgizý.