Maqsatqa jetý úshin jiger kerek
Álemniń ekinshi ustazy Ábý Nasyr ál-Farabı babamyz «Talpynys táji – tabandylyq» depti. Búgingi zamanǵa dáp aıtylǵan támsil dep túsinemiz. Óıtkeni, qarbalas, birinen ekinshisi basyp ozyp bara jatqan zamanda adamǵa eń qajetti qasıet osy bolyp tur.
Jigerlilik jasyńda kúshtirek baıqalady. Jastar - jiger-kúshtiń ıesi. Olar únemi bastamashyl, táýekelshil keledi. Burynyraqta úlkender jaǵy «jas kezde adam batyr bolady» deıtin. Sonyń tereń maǵynalyq astary bar. Dúnıe júzine tanymal Aliexpress korparasıasynyń ıesi Djek Ma 38 ret táýekelden qulapty. Biraq saǵy synbady. Ideıalaryn qaıta jandandyrdy. Nátıjesinde barshaǵa tanymal aýqatty adam boldy. Qarjy sektorynda Azıa tóńireginde onyń aldyn orap turǵan adam joqtyń qasy. Munyń bári tabandylyq.
Bizder birneshe márte baı adamdar týraly aıttyq. Sonyń biri - Ilon Mask. Tesla aıtsaq, ony bilmeıtinder neken-saıaq. Jerdi bylaı qoıyp, Marsqa tirshilik ornatpaqshy. Osynyń bári izdenimpazdyqtyń arqasy. Al olardyń jas kezinde kúnine birneshe dollar aqshaǵa kún kórgenin búginderi bireý bilse, bireý bilmeıdi. Eńbek etti, qatty talpyndy. Maqsattaryna jetti.
Túıin. Halqymyz ár ýaqytta «Talpynǵan jeter muratqa» dep tekke aıtpaǵan. Jastar qaıratty kúshin nátıjeli muratqa jumsar bolsa, bıikti baǵyndyrary sózsiz.