Facebook tálipterdiń paraqshasyn buǵattaýdy kózdeýde.
Facebook áleýmettik jelisi «Talıban» qozǵalysyn terorıstik uıym dep sanaıtynyn rastady, sondyqtan tálipterdi qoldaıtyn mazmundaǵy aqparatty taratýǵa jáne jarıalaýǵa tyıym salǵan, dep habarlaıdy Almaty-akshamy.kz.
Qazaqstanda «Talıban» qozǵalysyna Joǵarǵy sottyń 2005 jylǵy 15 naýryzdaǵy sheshimimen tyıym salynǵan. Kompanıa «halyqaralyq qaýymdastyq sheshimin» qoldaıtynyn málimdedi. «Talıban» qozǵalysyna AQSH zańyna sáıkes terorıstik uıym retinde sanksıalar salynǵan. Sondyqtan Facebook qaýipti uıymdarǵa qatysty saıasatqa sáıkes platformany paıdalanýǵa tyıym salǵan.
«Bul tálipter basqaratyn nemese olardyń atynan jumys isteıtin paraqshalardy buǵattaımyz jáne olardy dáripteýge, qoldaýǵa jáne tanystyrýǵa tyıym salamyz degen sóz», - dedi kompanıa ókili.
Ol Facebook-te «Talıbanǵa» qatysty mazmundaǵy aqparatty baqylaý jáne joıý úshin sarapshylardyń arnaıy toby bar ekenin basa aıtty. Bul saıasat Facebook platformalaryna qatysty, ásirese, Instagram men WhatsApp.