Aýǵanstanda tálipter Kabýl qalasyndaǵy Prezıdent saraıyn basyp alyp, ǵımaratta óziniń týyn kóterdi, dep habarlaıdy almaty-akshamy.kz «Habar 24» silteme jasap.
«Ál-Djazıra» aqparat agenttiginiń habarlaýynsha, endi tálipter aımaqta Aýǵanstan Islam Emıratyn jarıalamaq. Al, el prezıdenti Ashraf Ǵanı óziniń áleýmettik jelidegi paraqshasynda beıbit halyqtyń qany tógilmeýi úshin otstavkaǵa ketkenin aıtty. Qaldyrǵan jazbasynda «budan bylaı eldiń tutastyǵy men aýǵan halqynyń amandyǵyna tálipter jaýapty» ekenin málimdedi.
Qazir Ashraf Ǵanı óziniń jubaıymen jáne keńesshilerimen birge Ózbekstannyń Tashkent qalasynda. Bul týraly «ál-Djazıra» aqparat agenttigi habarlaıdy. Al, Kabýldaǵy AQSH pen ózge el elshilikteriniń qyzmetkerleri, sonymen qatar jergilikti turǵyndar elden ketý úshin áýejaıǵa kelgen. AQSH elshiliginiń ókilderi halyqaralyq áýejaıda atys bolyp, órt shyqqanyn habarlaıdy.
Esterińizge salaıyq, 2001 jyly AQSH kúshteri Aýǵanstanǵa kirgen sátten eldi 1996 jyldan bastap bılep kelgen «Talıban» bılikten ketken bolatyn. Endi Pentagon áskerin elden shyǵara salysymen, tálipter bılikke qaıta keldi.