Tergeý barysynda bala birneshe ret soqqyǵa jyǵylǵany anyqtalǵan.
Taldyqorǵanda úsh jasar balany óltirgen bala kútýshige qatysty úkim shyqty, dep habarlaıdy Almaty-akshamy.kz Jetisý oblysy sotynyń baspasóz qyzmetine silteme jasap.
Aıta keteıik, oqıǵa byltyr kúzde Jetisý oblysynda bolǵan edi. Úsh jasar bala bir jasar inisimen bala kútýshiniń qaraýynda bolǵan. Balalardyń anasynyń sózinshe, 12 qyrkúıekte bala kútýshi habarlasyp, balanyń jaǵdaıy nasharlap ketkenin aıtqan.
Bala aýrýhanaǵa jetkizilip, jan tapsyrǵan. Dárigerler balanyń denesinde saý jeri bolmaǵanyn, bas jaraqatyn anyqtaǵan.
Tergeý barysynda bala birneshe ret soqqyǵa jyǵylǵany anyqtalǵan.
Oblys sotynyń baspasóz qyzmetiniń málimetinshe, qylmystyq is jabyq sot otyrysynda qaraldy, sebebi istiń mán-jaıy jarıa etilmeıdi.
«Buryn sottalmaǵandyǵyna baılanysty, shyn júrekten ókiný, jábirlenýshini keshirý jáne kináni aýyrlatatyn mán-jaılardyń bolmaýy sekildi kináni jeńildetetin jaǵdaılardy eskere otyryp sot sottalýshyǵa ortasha qaýipsizdik qylmystyq-atqarý júıesi mekemesinde 10 jylǵa bas bostandyǵynan aıyrý jazasyn taǵaıyndady», - delingen sot úkiminde.