Taldyqorǵanda belgili jýrnalıs, azamattyq belsendi Sandýǵash Dúısenova ustaldy
Jetisý oblystyq polısıa departamentiniń málimetinshe, 11 tamyzda Taldyqorǵanda jýrnalıs Sandýǵash Dúısenova QR Qylmystyq kodekstiń 147-baby 5-bóligi boıynsha ustaldy.
«Bul bapta jeke ómir týraly aqparatty, sonyń ishinde jeke nemese otbasylyq qupıany kópshilik aldynda sóıleýde, jumysta, buqaralyq aqparat quraldarynda, telekomýnıkasıa jelileri arqyly taratqany úshin jaýapkershilik qarastyrady», - dep habarlady vedomstvodan.
Jýrnalıs qalalyq polısıa basqarmasyna jetkizildi. Ol moıyndaý týraly kýálik berip, prosesýaldyq is-sharalar ótkizilgennen keıin eshqaıda ketpeý jáne tıisti minez-qulyq týraly qolhatpen shyqty.
«Qazirgi tańda tergeý oblystyq polısıa departamentiniń baqylaýynda. Ózge aqparat tergeý múddesi úshin jarıa etilmeıdi»,- dep atap ótti Jetisý oblystyq polısıa departamentinen.