Túsirilim prosesi Jetisý oblysynda ótti.
Panfılov aýdanyndaǵy Áýlıeaǵash aýylynda «Talaq» tolyqmetrajdy tarıhı kórkem fılminiń túsirilimi aıaqtaldy, dep habarlaıdy Almaty-akshamy.kz.
«Fılm qazaqtyń kórnekti jazýshysy Beıimbet Maılınniń «Talaq» jáne «Áje» shyǵarmalarynyń jelisimen túsirildi»,- dep jazady fılm rejıseri Danıar Salamat óziniń Facebook paraqshasynda.
XX ǵasyrdyń 20-30 jyldaryn kóz aldyńa ákeletin bul týyndyǵa eldi kúshtep kolhozdastyrýdyń saldary, sol kezdegi halyqtyń turmys mádenıetiniń ózekti máseleleri, áıel taǵdyry arqaý bolǵan.
Fılm QR Mádenıet jáne sport mınıstirliginiń tapsyrysy boıynsha «Ulttyq kınony qoldaý memlekettik ortalyǵy» KEAQ qoldaýymen túsirildi.
Týyndydaǵy basty rólderdi belgili akter Erbolat Álqoja jáne jas akterlar Amıra Omarova, Aıana Baýyrjanova somdaıdy.
