Almaly aýdany
Barlyq jerde saıası naýqanǵa daıyndyq jumystary qyzý júrgizilip jatyr dep oılaımyz. Sondyqtan bizdiń de aldaǵy ótetin referendýmǵa daıyndyǵymyz jaman emes. №36 Bóltirik Atyhanuly atyndaǵy gımnazıada №86 jáne №90 saılaý ýchaskeleri ornalasqan.
Men ózim múshesi bolyp tabylatyn №90 saılaý ýchaskesinde 2570 saılaýshy tirkelgen. Olardyń ishinde aýrýhanalarda em alyp nemese úılerinde naýqastanyp jatqandar da kezdesedi.
Belgili bir sebeptermen daýys berýge kele almaıtyndar bolady. Mundaı jaǵdaıda biz olarǵa ózimiz baramyz. Búgingi saılaý komısıasy qyzmetiniń basty baǵyttarynyń biri – múmkindigi shekteýli azamattardyń saılaý quqyǵyn qamtamasyz etý bolyp tabylady. Óıtkeni, buryndary olar úılerinde daýys beretin. Iaǵnı, múmkindigi shekteýli azamattar ótinish jazǵannan keıin, komısıa músheleri úılerine baratyn.
Al qazir basqasha. Jaǵdaı ózgergen. Máselen, bizde ǵımaratqa kire beriste múmkindigi shekteýli jandarǵa arnalǵan pandýstar bar. Daýys berýge arnalǵan kabınalary daıyn.
Jalpy, saılaý ýchaskesi ornalasqan mektep ǵımaraty barlyq talapqa saı jabdyqtalǵan. Dálizge kirgen boıda qabyrǵada ilýli turǵan rámizder eriksiz kózge túsedi. Bul daýys berýge kelgen saılaýshynyń rýhyn kóterip, óz eli úshin tańdaý jasaýyna dem beretindeı... Taktıldi kórsetkishter, referendým jaıyndaǵy beınerolık kórsetilip turatyn monıtorlar qoıylǵan.
Qysqasyn aıtqanda, №90 saılaý ýchaskesi halyqtyń, sonyń ishinde múmkindigi shekteýli azamattardyń óz tańdaýyn jasaýǵa kedergisiz qol jetkizýine barlyq jaǵdaılar jasalǵan.