Joǵary oqý oryndarynyń talapkerlerdi vırtýaldy qabyldaýy eń senimdi tásilderiniń birine aınalyp otyr.
Ótken jyly shalǵaıdaǵy aýyldardyń myńdaǵan túlekteriniń qujattary osylaı qabyldandy, dep habarlaıdy Almaty-akshamy.kz QazAqparatqa silteme jasap.
Bıyl da joǵary oqý oryndary vırtýaldy keńselerin qaıta ashty, qabyldaý komısıalary alǵashqy jumys kúnderinen bastap ótinishterdi onlaın qabyldaýǵa ázir. Munda ýnıversıtet qyzmetkerleri keńes beredi jáne beınebaılanys arqyly qujattardy qabyldaıtyn bolady.
«Qyzmet kórsetýdiń tıimdiligi men jyldamdyǵyn arttyrý maqsatynda sondaı-aq, aýa raıynyń aptap ystyǵy jaǵdaıynda qyzmetkerlerdiń shtaty keńeıtildi. Qyzmet kórsetýge stýdentter qatarynan eriktiler toby tartylýda. Bıyl bilim berý granttaryn taǵaıyndaý konkýrsyna qatysý úshin qujattardy qabyldaý 2022 jyldyń 13-20 shilde aralyǵynda júzege asyrylmaq. Sondyqtan Egov elektrondy úkimet portalyndaǵy ýaqytsha olqylyqtar talapkerlerdiń qyzmet kórsetý sapasyna jáne qujattar tapsyrýyna esh keri áserin tıgizbeıdi», - dep jazdy vedomstvo.
Ýnıversıtetter men vırtýaldy qabyldaý komısıalary úshin barlyq qajetti baılanys aqparattary Ulttyq testileý ortalyǵynyń www.testcenter.kz saıtynda ornalasqan.