Qazaqstan Respýblıkasy Kólik mınıstrligi múddeli memlekettik organdarmen birlesip, taksomotorlyq tasymaldaý salasynda zańnama talaptarynyń saqtalýyn qamtamasyz etý boıynsha sharalar qabyldaýda, dep habarlaıdy aqshamnews.kz.
"Avtomobıl kóligi týraly" Qazaqstan Respýblıkasy Zańynyń talaptary:
Taksı qyzmetin júzege asyrý úshin azamattar dara kásipker nemese zańdy tulǵa retinde tirkelýi tıis.
Qyzmetti bastamas buryn jergilikti atqarýshy organǵa taksı qyzmetin bastaý týraly habarlama jiberý qajet.
Taksı qyzmetine mobıldik qosymsha arqyly tapsyrys berýdi tek tirkelgen jáne resmı túrde qyzmet kórsetýdi bastaǵany týraly habarlama bergen kásipkerler ǵana júzege asyra alady.
Qazaqstan aýmaǵynda sheteldik tirkeý nómiri bar nemese róli oń jaqta ornalasqan kóliktermen jolaýshylardy tasymaldaýǵa tyıym salynǵan.
Jolaýshylardyń qaýipsizdigin qamtamasyz etý boıynsha usynystar:
Sapar bastalar aldynda kólik markasy men nómirin, júrgizýshiniń fotosýretin qosymshadaǵy aqparatpen salystyryńyz.
Aqparat sáıkes kelmese, sapardan bas tartyp, qoldaý qyzmetine habarlasyńyz.
Sapar barysynda qaýipsizdik beldigin taǵýdy umytpańyz.
Jol júrý kezindegi zań buzýshylyqtar nemese júrgizýshiniń minez-qulqyna qatysty qoldaý qyzmetine ýaqtyly habarlańyz.
Jolaýshylar men tasymaldaýshylardan zańnamalyq talaptardy saqtaýdy jáne quqyq buzýshylyqtardy ýaqytyly quqyq qorǵaý organdaryna habarlaýdy suraımyz.
Taksı qyzmetinde sapany jáne qaýipsizdik máselesine mán bergen jón.