Tájikstan Dúnıejúzilik saýda uıymyna múshe elderden, onyń ishinde Qazaqstannan eski avtokólikterdi ákelýge tyıym salyp jatyr.
QazStandart baspasóz qyzmetiniń málimetine qaraǵanda, atalǵan shekteý 2013 jylǵa deıin shyǵarylǵan kólikterge qatysty qoldanylady, dep habarlaıdy Almaty-akshamy.kz.
«Tájikstan jyl saıyn aýanyń lastanýyna jáne adam densaýlyǵy men qorshaǵan ortaǵa zıan keltiretin eski kólikterdi ákelýge, sondaı-aq eski kólikterden bolatyn qaldyqtardyń (akýmýlátorlar, shınalar, kondısıonerler) aıtarlyqtaı ósýine jol bermeýge baǵyttalǵan jarlyq ázirledi», - delingen QazStandart habarlamasynda.
Atalǵan jarlyq 2024 jyldyń 1 qańtarynda kúshine enedi.
Aıta keteıik, 2005 jyldan bastap KazStandart bazasynda saýdadaǵy tehnıkalyq kedergiler jáne sanıtarıalyq ári fıtosanıtarıalyq is-sharalar jónindegi aqparattyq ortalyq jumys istep tur.
Ortalyqtyń fýnksıalaryna DSU hatshylyǵyna, DSU-ǵa múshe memleketterge tıisti aqparat berý kiredi.