Syrtqy ister mınıstri bankette AQSH kongresmenderiniń eki delegasıasyn qarsy aldy.
Taıvanǵa amerıkandyq kongresmenderdiń kezekti eki delegasıasy - respýblıkalyq pen demokratıalyq partıalar ókilderi keldi, dep habarlaıdy Almaty-akshamy.kz Inbusiness.kz silteme jasap.
Sapar baǵdarlamasyna sáıkes, kongresmender Taıvan ákimshiliginiń basshysy Saı Invenmen kezdesip, ekijaqty qatynastar, aımaqtyq qaýipsizdik pen saýda-ekonomıkalyq yntymaqtastyq máselelerin talqylaıdy.
"Syrtqy ister mınıstri bankette AQSH kongresmenderiniń eki delegasıasyn qarsy aldy. Biz dostarymyzǵa qorǵanys máseleleri men Taıvannyń Úndi-Tynyq muhıty aımaǵyndaǵy beıbitshilik pen turaqtylyqty nyǵaıtýdaǵy róli týraly mazmundy talqylaýǵa alǵys bildiremiz", - delingen araldyń syrtqy saıası bóliminiń jelidegi resmı akkaýntynda.
Buǵan deıin Ókilder palatasynyń músheleri, respýblıkashyl Bred Venstrýp pen demokrat Set Mýlton basqaratyn AQSH kongresmenderiniń eki delegasıasy aralda 13 qazanǵa deıin bolatyny habarlanǵan bolatyn. Delegasıa quramyna Kaı Kahel men Maıkl Váls kongresmenderi de kirdi.