Syrtqy ister mınıstrliginiń resmı ókili Aıbek Smadıarov Taıland pen Mánma elderinde quldyqqa tap bolǵan azamattarǵa qatysty jumystyń júrgizilip jatqanyn aıtty, dep habarlaıdy Almaty-akshamy.kz Baq.kz-ke silteme jasap.
«Ol azamattar boıynsha qazir jumysty jalǵastyrýdamyz. Taıland, Mánma elderiniń Syrtqy ister jáne İshki ister mınıstrlikterimen baılanystamyz. Osyndaı jaǵdaıǵa jarty jyl buryn bir azamatshamyz tap bolǵan. Ózderińiz biletindeı, bul – halyqaralyq-krımınaldyq toptardyń isi. Bul «Altyn úshburysh» dep atalatyn jer. Ol jerde bılik te joq, baılanys ta joq, ózderimen-ózderi, kishigirim ǵana el», - dedi SİM resmı ókili Aıbek Smadıarov.
Aıtýynsha, tekserilmegen aqparattarǵa sáıkes, «Altyn úshburyshta» elimizdiń taǵy birneshe azamaty tutqynda bolýy múmkin. Al ázirge eki azamattan ǵana resmı ótinish kelip túsken.
«Kóp azamat sol jerge barǵan soń qalyp qoıyp jatyr. Óıtkeni aqshalary joq, sondyqtan jumys isteýge májbúr. Qazir bizdiń azamattar sol jerde. Eki azamat bizge ótinish bildirdi. Tekserilmegen aqparattarǵa súıensek, taǵy basqa azamattar bar dep estip jatyrmyz. Olarǵa aıtarymyz, bizdi estip jatsa, sizderdi oqyp jatsa, aty-jónderin naqty atap, ózderi týraly málimet bersin, qoryqpasyn», - dedi Aıbek Smadıarov.