Áıelderge qol kóterý tyıylmaı tur.
Almatydaǵy turǵyn úıdiń aýlasynda er adam óziniń burynǵy áıelin aıaýsyz soqqyǵa jyqqan, dep habarlaıdy Almaty-akshamy.kz.
Áleýmettik jelide Almatydaǵy turǵyn úı kesheniniń aýlasynda er adam áıeldiń telefonyn jerge laqtyryp, syndyryp, keıin áıeldi aıaýsyz uryp-soqqan vıdeosy tarady.
Jazba avtory Janna Ahmetova óziniń áleýmettik jelidegi paraqshasynda áıeldiń esimi Saltanat ekenin jazǵan. Áıel 11 jyl otbasylyq ómirden keıin ajyrasýǵa sheshim qabyldady. Balalaryn alyp, Tarazdan Almatyǵa kóshti. Avtordyń aıtýynsha, qazir onyń burynǵy kúıeýi kelip ańdyp, qaıta oralýǵa májbúrlep júr.
«Polısıa bul fakti boıynsha tergeý júrgizip jatyr. Jınalǵan materıaldar qylmystyq jábir kórsetýshini jaýapkershilikke tartý úshin sotqa jiberildi», dep habarlady Almaty polısıasy.
Eske sala keteıik, buǵan deıin Almatyda belgisiz er adam oryndyqta otyrǵan áıelge shabýyl jasaǵan edi.