Elimizde tuńǵysh ret jas jazýshylar men aqyndarǵa prezıdenttik arnaýly ádebı syılyq beriledi
Elimizde bıyl tuńǵysh ret daryndy jastarǵa memlekettik qoldaý kórsetý, aqyn-jazýshylardyń jańa býynyn qalyptastyrý maqsatynda Prezıdenttik arnaýly ádebı syılyq tabystalady. Bul týraly jas qalamgerlermen kezdesý barysynda Mádenıet jáne sport mınıstri Asqat Oralov málimdedi, dep habarlaıdy QazAqparat.
Prezıdettik ádebı syılyq negizgi 4 nomınasıa boıynsha úzdikterdi anyqtaıdy. Úmitkerler «Proza», «Poezıa», «Dramatýrgıa» jáne «Balalar ádebıeti» boıynsha óz eńbekterin usyna alady. Ár nomınasıada jeńimpazǵa 4 mln teńge syıaqy jáne «Prezıdenttik arnaýly ádebı syılyqtyń laýreaty» ataǵy, dıplom jáne tósbelgi beriledi.
Ádebı syılyqqa 18-35 jas aralyǵyndaǵy qalamgerler úmitker bola alady. Ótinimder 2023 jylǵy 1 maýsymnan 30 maýsymǵa deıin, qaǵaz jáne elektrondy nusqada qabyldanady. Basty shart – Prezıdenttik ádebı syılyqqa usynylatyn jumys osyǵan deıin halyqaralyq jáne ulttyq baıqaýlarǵa qatyspaǵan, tyń týyndy bolýy kerek.
«Mundaı bastamalar otandyq ádebıetti damytý úshin ǵana emes, qazaq tilindegi kontentti kóbeıtý úshin, ásirese balalar ádebıeti salasyndaǵy kontentti kóbeıtý úshin qajet. Búginde mınıstrlik teatr ónerine úlken kóńil bólip otyr. Bizdiń maqsatymyz-otandyq avtorlardyń qoıylymdarynyń sanyn arttyrý. Bul maqsatqa qol jetkizý úshin jas dramatýrgter mańyzdy ról atqaratynyna senimdimin»,- dedi Mádenıet jáne sport mınıstri Asqat Oralov.