Nápaqasyn sútten taýyp júrgen tabatyn aýyl turǵyndaryna qıyn bolmaq.
Ásirese elimizdiń soltústik óńirlerindegi sút óńdeýshiler óndiristi qysqartýǵa májbúr, dep habarlaıdy Almaty-akshamy.kz.
24.kz habarlaýynsha, Senat depýtaty Zakırjan Kýzıev óziniń depýtattyq saýalynda osylaı dedi. Senatordyń aıtýynsha, shaǵyn sharýa qojalyqtary men jeke qosalqy sharýashylyqtar memlekettik organdardyń nazarynan tys qalyp kelgen. Degenmen múıizdi iri qaranyń 85%-ten astamy jáne elimizde óndirilgen barlyq súttiń 88% solardyń qolynda.
Al 2025 jyly Eýrazıalyq ekonomıkalyq komısıa Keńesiniń sheshimi kúshine enedi. Jaǵdaı sodan keıin tipti ýshyǵyp ketýi múmkin dep otyr. Óıtkeni jańa erejede shıki sútke qoıylatyn talaptar kúsheıtiledi. Iaǵnı, barlyǵy avtomattandyrylǵan jumysqa kóshýi qajet bolady. Alaıda shaǵyn sharýa qojalyqtary mundaı jaǵdaıdy qamtamasyz ete almaıdy. Ol úshin osy saladaǵy sharýalarǵa nesıe berý jáne servıstik-satyp alý ortalyqtaryn qurý qajet.
«Shıki sútti óńdeý kásiporyndaryna Tehnıkalyq reglamentke sáıkes jetkizýdiń múmkindigi joq. Shıkizat tapshylyǵyna baılanysty qaıta óńdeý kásiporyndarynyń óndiris qýaty 40%-ke deıin azaıady. Sút zaýyttarynyń 90%-i jumysyn toqtatýǵa májbúr bolady. Onyń talaptary kúshine engennen keıin búginde sút satýdan tabys tabatyn aýyl turǵyndarynyń 70%-i turaqty tabys kózinen aıyrylý qaýpi týyndap otyr», - deıdi QR Parlamenti Senatynyń depýtaty Zakırjan Kýzıev.