Tájirıbeli áıelderdiń qyzmeti qymbat baǵalanady.
Sýrrogat analar óz qyzmetin 2,5 mln-nan 9 mln teńgege deıin baǵalaıdy, dep habarlaıdy Almaty-akshamy.kz
Ranking.kz-tiń aqparatyna saı, Qazaqstannyń klınıkalarynda jasandy uryqtandyrý baǵasy tómen, bul sheteldikter úshin ońtaıly bolyp otyr.
Qazaqstanda zań boıynsha sýrrogat ananyń qyzmetin nekede turǵan, bedeýlik dıagnozy qoıylǵan, fızıologıalyq turǵydan bala kótere almaıtyn jáne týa almaıtyn erli-zaıyptylar ǵana paıdalana alady.
Sýrrogat ana bolý baǵdarlamasynyń quny mıllıondaǵan teńgemen esepteledi.
Sýrrogat anany izdeýdiń ekinshi nusqasy – reprodýktıvti medısınalyq klınıka. Bundaı mekemede tirkelgen áıelderdiń qyzmet quny – 3-7 mln teńge.
Negizgi shyǵyndar paketine áıeldiń aqysynan bólek, ony aı saıyn kútý de kiredi (200 myńnan 250 myń teńgege deıin). Mindetti shyǵyndardyń taǵy biri – genetıkalyq ata-analarǵa arnalǵan EKU baǵdarlamasyn tikeleı júrgizý. Erli-zaıyptylarǵa bul úshin 1,5-2 mıllıon teńge jumsaýǵa týra keledi. Bul soma operatıv jynys jasýshalaryn alý úshin nemese embrıondardy qosymsha genetıkalyq zertteý kezinde jedel medısınalyq prosedýralardy júrgizý qajet bolǵan jaǵdaıda kóbirek bolýy múmkin.
Sondaı-aq mindetti shyǵynǵa genetıkalyq ata-analar men sýrrogat ana arasynda shart jasasýdyń notarıattyq qyzmetteri kiredi: shamamen 60 myń teńge. Osylaısha, sýrrogat ana baǵdarlamasynyń mańyzdy kezeńderin ótkizý shyǵyny 6,7 mln-nan 11,3 mln teńgege deıin barady.