Qazaqstandyq áıelge sýret úshin 129 myń teńge aıyppul salyndy
Buǵan áleýmettik jelidegi sýret sebep bolǵan, dep habarlaıdy Almaty-akshamy.kz Atyraý oblystyq sotyna silteme jasap.
Atyraýdyń Ákimshilik quqyq buzýshylyq isteri jónindegi soty QR ÁQBtK-niń 490-baby "Dinı qyzmet jáne dinı birlestikter týraly zańnamany buzý" boıynsha isti qarady.
Atyraý turǵyny "VKontakte" áleýmettik jelisindegi jeke paraqshasyna dinı mazmundaǵy sýret jarıalap, osy bapty buzǵan.
"A-nyń kinási sot otyrysynda zerttelgen is materıaldary, ákimshilik quqyq buzýshylyq týraly hattama, sarapshynyń qorytyndysy, áńgimelesý hattamasymen rastaldy", - delingen sotta.
Áıelge 129 myń 220 teńge aıyppul salyndy. Sot qaýlysy zańdy kúshine endi.