Almatyda sýretke túspek bolǵan oqýshy ózenge qulap ketti, dep habarlaıdy aqshamnews.kz
Almatydaǵy Aıýsaı shatqalynda taýdaǵy fotosessıa sońy qaıǵyly oqıǵaǵa ulasa jazdady. 8 oqýshy men synyp jetekshisinen turatyn top ózen jaǵasynda sýretke túsip jatqanda, bir oqýshy qyzdyń aıaǵy taıyp, Prohodnaıa ózenine qulap ketti. Oqıǵa 22 mamyr saǵat 15:35 shamasynda bolǵan.
"Almaty qalalyq Qutqarý qyzmetiniń qutqarýshylary ony jedel izdestire bastady. Saǵat 15:56-da bógetke shamamen 500 metr qashyqtyqta qyz sýdan shyǵaryldy. Qutqarýshylar oqıǵa ornynda alǵashqy medısınalyq kómek kórsetip, zardap shegýshini jedel járdem brıgadasyna tapsyrdy", – delingen qutqarý qyzmetiniń habarlamasynda.