Pavlodarda «Sýper kelin» anyqtaldy
Ertis-Baıan óńirinde jas kelinder arasynda jyl saıynǵy «Sýper kelin – 2021» oblystyq baıqaýy ótti, dep habarlaıdy Almaty-akshamy.kz Pavlodarnews.kz-ke silteme jasap.
Jastar bastamalaryn damytý ortalyǵynyń málimdeýinshe, kelinder dodasyna jasy 18-den 29 jasqa deıingi oramaldylar qatysty.
«Kelinder 4 kezeńnen turatyn baıqaýǵa muqıat daıyndaldy. Onyń birinshisi – beıne prezentasıa. Iaǵnı munda kelinder ózderin, otbasyn tanystyratyn bolsa, ekinshisi - kelinder óz qoldarymen ázirlegen ulttyq taǵamyn usynatyn bolsa, úshinshi kezeńde qatysýshylarǵa qamyr jaısa, sońǵy bólimde óziniń ónerin kórsetip, shyǵarmashylyq qabiletin asha bildi», - delingen baspasóz habarlamasynda.
Baıqaý qorytyndysy boıynsha qazylar alqasynyń sheshimimen Nazıra Sabyr «Sýper kelin -2021» ataǵyn jeńip aldy. Al «Ónerli kelin - 2021» atalymyn Darıza Meshitbaı ıelense, «Sheber kelin - 2021» atalymynda Nazerke Bekjanova jeńiske jetti.
Jeńimpazdar baǵaly syılyqtarmen jáne dıplomdarmen marapattaldy.
Sonymen qatar, baıqaýǵa qatysqan barlyq qatysýshylar yntalandyrý syılyqtarymen, gúl shoqtarymen jáne estelik dıplomdarmen marapattaldy.