Qala kúnine orı “Alataý" dástúrli óner teatrynyń sahnasynda Almaty qalasy ákimdiginiń, Almaty qalasy Mádenıet basqarmasynyń uıymdastyrýymen “"Jekpe-jek" aıtys ótti. Alaman dodaǵa 2015 jylǵy "Altyn dombyra" aıtysynyń jeńimpazy Aspanbek Shuǵataev pen 2021 jylǵy "Asyl dombyra" aıtysynyń jeńimpazy Qaziret Berdihan qatysty.
Qaziret pen Aspanbektiń arasyndaǵy bolǵan aıtysqa kelgen kórermen sanynda shek bolmady. Eki aqynnyń da óz jankúıerleri bar ekenin osy aıtys dáleldedi. Qala kúnine arnalǵan aıtysqa Almaty qalasynyń ákimi Dosaev Erbolat myrza arnaıy kelip qatysty. Aıtystyń bir ereksheligi sahna tórinde qos aqyndy aıtystyń sońyna deıin "Alataý" dástúrli óner teatrynyń "Alataý" fólklorlyq ansambli súıemeldedi. Qos myqtynyń aıtysynyń aldynda kórermen kózaıymyna aınalǵan Oraldyq Muradym Mırlanov pen Abaı oblysynyń jas juldyzy Aısholpan Tileýtaı óner kórsetti. Aıtysqa tórelik jasaǵan aıtysker aqyn, QR Mádenıet qaıratkeri Serik Qalıev bastaǵan, QR Jazýshylar Odaǵy tóraǵasynyń orynbasary, aqyn Baqyt Bedelhan jáne aıtysker aqyn Maqsat Ahanov jekpe-jektiń jeńimpazy dep Qaziret Berdihandy tanydy.
Aıtystyń qurmetti qonaǵy retinde kórermender qatarynan Asanáli Áshimov, Tuńǵyshbaı Jamanqulov, Nurǵalı Núsipjanov, Asyly Osman, Almas Ahmetbek syndy el azamattary oryn aldy.