Qazaqstandyq boksshy Sultan Zaýrbek (15-0, 11 KO) Braıtonda (Anglıa) ótken boks keshinde óner kórsetti, dep habarlaıdy Almaty-akshamy.kz Sports.kz saıtyna silteme jasap.
Zaýrbek argentınalyq Serhıo Martın Sosamen (13-3, 3 KO) judyryqtasty. Bul jekpe-jek ekinshi jeńil salmaqta ótip, qazaqstandyq boksshynyń jeńisimen aıaqtaldy. Qazaqstandyq boksshy qarsylasyn altynshy raýndta tehnıkalyq nokaýtqa túsirdi, oǵan deıin argentınalyq boksshy eki ret nokdaýn aldy.
Osylaısha, Sultan Zaýrbek kásipqoı mansabyndaǵy on altynshy jeńisine qol jetkizse, Serhıo Martın Sosa tórtinshi ret jeńildi. Buǵan deıin Záýirbek WBO «eýropalyq» jáne WBC jastar belbeýin jeńip alǵan bolatyn. Sondaı-aq sheteldik jýrnalıser men komentatorlar Sultan Zaýrbekti «jańa Gennadıı Golovkın» jáne «Qazaq patshasy» dep atady.