Sýyqqa tońbaıtyn adam
Golandıalyq Vım Hof óziniń sýyqty sezbeıtin erekshe qabiletimen búkil álemdi tańǵaldyrdy. Adam aǵzasy úshin óte tómen temperatýra onyń denesine áser etpeıdi, dep habarlaıdy Almaty-akshamy.kz Egemen.kz-ke silteme jasap.
Vım Hof toǵyz álemdik rekord jasady. Ol 2000 jyly 57,5 metrdi 61 sekýndta júzip ótken. Bir qaraǵanda, tańǵalarlyq eshteńe joq, biraq bul júzý Fınlándıadaǵy qatyp qalǵan kóldiń, ıaǵnı muz astynda bolǵan. Ádettegideı ol tek jyly leggınster men shulyqtar kıetin. 2006 jyly jaı shortymen Monblandy baǵyndyrdy.
Kelesi jyly ol barlyq álpınıserdiń armany - Everestti baǵyndyrýǵa tyrysty. Biraq ol tek ish kıimimen taýǵa qaıta kóterilgendikten, onyń aıaqtarynyń bashpaılaryn úsik shalǵan. 2008 jyly Vım muz toltyrylǵan shyny ydysqa otyryp, óziniń rekordyn jasady. Buǵan deıin ol jerde 64 mınýttaı tursa, endi jańa álemdik rekord - 73 mınýt boldy. Ǵalymdar úshin golandıalyq azamat áli ashylmaǵan jumbaq bolyp qala beredi. Kóptegen suhbattarynda Hof bul tek dene men rýhty qatty jattyqtyrýdyń nátıjesi ekenin aıtady.
Qalaı desek te, mundaı qabilet - uzaq daıyndyqtyń, tózimdilik pen qaısarlyqtyń jemisi.